އުރީދޫ ނޭޝަނަލް ފީފާ މުބާރާތުގެ ކުޅުދުއްފުށި އޮޑިޝަންގެ ޗެމްޕިއަންކަން ޒިޔާންއަށް

ކުލަބް ކޮރަލްސްއިން އިންތިޒާމުކޮށްގެން ބޭއްވި އުރީދޫގެ ނޭޝަނަލް ފީފާ ޓޯނަމެންޓުގެ ކުޅުދުއްފުށީ އޮޑިޝަންގެ ޗެމްޕިއަންކަން މުހައްމަދު ޒިޔާން ހޯދައިފި އެވެ.

ކުޅުދުއްފުށީގެ 42 ބައިވެރިންނާއެކު ކުރިއަށް ގެންދިޔަ ނޭޝަނަލް ފީފާ ޓޯނަމެންޓް ވަނީ ކާމިޔާބުކަމާއެކު ނިންމާލާފަ އެވެ. މިމުބާރާތަކީ ރާއްޖޭގެ 4 ސިޓީއެއްގައި އުރީދޫއިން ކުރިއަށްގެންދާ މުބާރާތެކެވެ. ކުޅުދުއްފުށީގެ އޮޑިޝަން ހޯސްޓްކުރީ ކުލަބް ކޮރަލްސްއިންނެވެ.

ކުޅުދުއްފުށި އޮޑިޝަން ކުރިއަށްދިޔައީ ކުޅުދުއްފުށީގަ އެވެ. މަންނާމް ކެފޭ އަދި އުރީދޫ ކޯލް ސެންޓަރުގައި ކުރިއަށް ދިޔަ މިމުބާރާތުގެ ޗެމްޕިއަންކަން ހޯދީ މުހައްމަދު ޒިޔާން އެވެ. ޒިޔާން ޗެމްޕިއަންކަން ހޯދީ ފައިނަލުގައި އިފްރާން އަބޫބަކުރާ ވާދަކޮށްގެންނެވެ.

ކުޅުދުއްފުށީގެ އިތުރުން މާލެ އަދި އައްޑޫއާއި ފުވައްމުލަކުގައި ކުރިއަށްދާ މިމުބާރާތުގެ ކޮންމެ ސިޓީއަކުން ޗެމްޕިއަންކަން ހޯދާ ގޭމަރުންގެ މެދުގައި ސެމީ ފައިނަލުގެ މެޗުތަކެއް ކުޅެވޭނެ އެވެ. އަދި ސެމީ ފައިނަލުން މޮޅުވާ ދެ ގޭމަރުން ފައިނަލަށް ދަތުރުކުރާއިރު އެބައި ކުރިއަށްދާނީ އޮންލައިންކޮށެވެ.