ހދ އަތޮޅު ކައުންސިލްގެ ނައިބު ރައީސްކަމަށް ހަނިމާދޫ ރައީސް

ހދ އަތޮޅު ކައުންސިލްގެ ނާއިބު ރައީސްގެ މަގާމަށް ހަނިމާދޫ ކައުންސިލްގެ ރައީސް އަބްދުއްސައްތާރު ހަސަން އިންތިހާބު ކޮށްފިއެވެ. އެ މަޤާމަށް ޢަބްދުއްސައްތާރު ހަސަން އިންތިހާބު ކޮށްފައިވަނީ މިއަދު ބޭއްވުނު އެކައުންސިލްގެ 4 ވަނަ ދައުރުގެ 79 ވަނަ އާންމު ޖަލްސާގައެވެ.

މިމަގާމަށް ކުރިމަތި ލުމުގެ ފުރުސަތު ހުޅުވާލުމުން މަގާމަށް ކުރިމަތި ލައްވާފައިވަނީ އަބްދުއްސައްތާރު ހަސަންގެ އިތުރުން ވައިކަރަދޫ ކައުންސިލްގެ ރައީސް އަބްދުﷲ ޒާމިރެވެ.

ނާއިބު ރައީސް އިންތިހާބު ކުރުމަށް ނެގުނު ވޯޓުގައި އަބްދުއްސައްތާރު ހަސަންއަށް ލިބިވަޑައިގެންފައިވަނީ 7 ވޯޓެވެ. އަދި އަބްދުﷲ ޒާމިރަށް ލިބިވަޑައިގަތީ 4 ވޯޓެވެ. މިޖަލްސާގައި ބައިވެރިވީ 11 މެންބަރުންނެވެ.

ހދ އަތޮޅު ކައުންސިލްގެ ނާއިބު ރައީސްގެ މަގާމު ހުސްވެފައިވަނީ، ކުރީން އެމަގާމުގައި ހުންނެވި، ކުމުންދޫ ކައުންސިލްގެ ރައީސް އަމީން މުހައްމަދު މިދިޔަ ޖަނަވަރީ މަހު 15ގައި އެމަގާމުން އިސްތިއުފާ ދެއްވުމާ ގުޅިގެންނެވެ.