ކުޅުދުއްފުށީ ސިޓީ ކައުންސިލާއި މިނިސްޓްރީ އޮފް އިސްލާމިކް އެފެއާޒް ގުޅިގެން ގުޅިގެންދާ ކޮންމެ ރަމާޟާންމަހަކު ބާއްވަމުން އަންނަ އިހްޔާ ފޯރަމު މިއަހަރުވެސް ކުޅުދުއްފުށީގައި ކުރިއަށްދާނެކަމަށް ސިޓީ ކައުންސިލުން ބުނެފި އެވެ
ދިނީ ހޭލުންތެރިކަން އިތުރުކުރުމަށާއި ދިނީ ޝިޢާރު އަށަގެންނެވުމުގެ ގޮތުން ކުރިއަށްގެންދާ މި އިޙްޔާ ފޯރަމް މިއަހަރު އޮންނާނީ މި މާރޗުމަހުގެ 31 ވާ ހުކުރުދުވަހު އެވެ.
ކުޅުދުއްފުށީގައި ބާއްވާ އިޙްޔާ ފޯރަމް ކުރިއަށް ގެންގޮސްދެއްވަނީ އައްޝައިޚް އަބްދުﷲ އާމިރު އާއީ އައްޝައިޚް އަލީ ޒައިދެވެ. އެ ދުވަހު މިސްކިތްތަކުގައި ދީނީ ނަސޭހަތް ދިނުންވެސް ކުރިއަށްދާނެކަމަށް ސިޓީ ކައުންސިލުން މައުލޫމާތުދެ އެވެ.
އިހްޔާ ފޯރަމް އޮންނާނީ 31 ވަނަ ދުވަހުގެ ރޭ 21:30 ގައި ހދ އަތޮޅު ތައުލީމީ މަރުކަޒުގެ ހޯލުގައި އެވެ. "އިސްލާމީ ނަޒަރަކުން ވަގުތު" މި މައުޟޫއަށް ދަރުސް ދެއްވަން ހަމަޖެހިފައިވާއިރު ވީހާވެސް ގިނަ ބަޔަކު މި ފޯރަމުގައި ބައިވެރިވުމަށް ސިޓީ ކައުންސިލުން އެދެ އެވެ.
އެންމެންނަށް ހުޅުވާލެވިގެން ބާއްވާ މި ފޯރަމުގައި ސުވާލުކުރުމުގެ ފުރުސަތުވެސް އޮންނާނެ އެވެ.
