ދިރާގު ގުޑިފެސްޓް މިއަދު ބާއްވަނީ

ދިރާގު ގުޑިފެސްޓް މިއަދު މާލެ އުސްފަސްގަނޑުގައި ބޭއްވުމަށް ވަނީ އެ ކުންފުނިން ހަމަޖައްސާފަ އެވެ. މާލެ ސިޓީ ކައުންސިލާއި ގުޅިގެން ކުރިއަށްގެންދާ މި ހަރަކާތް އޮންނާނީ މިއަދު ހަވީރު 4 ން 6 އަށެވެ.

ގުޑި އެރުވުމަކީ ރަމަޟާން މަހުގެ ހަވީރު ގަޑީގައި ބޮޑެތި މީހުން އަދި ކުޑަކުދިންގެ މެދުގައިވެސް މަޤްބޫލް ހަރަކާތެކެވެ. ދިރާގު ގުޑިފެސްޓް މެދުވެރިކޮށް އެ ކުންފުނިން އުއްމީދު ކުރަނީ މި މަހުގެ ތެރޭގައި މި ޒަމާންވީ ސަގާފީ އާދަކާދައާ ދެމެދު އިތުރު ކުދިންގެ ޝައުގު އާލާކުރުމެވެ.

ދިރާގު ގުޑިފެސްޓްގައި ހުރިހާ އުމުރުފުރައެއްގެ ކުދިންނަށް ވެސް ބައިވެރިވެވޭނެއެވެ. އަދި މި އިވެންޓްގައި އެކި ވައްތަރުގެ ގުޑިވެސް ދިރާގުން ބަހާނެއެވެ.

ހާއްސަކޮށް މި ރަމަޟާން މަހާ ދިމާކޮށް ދިރާގުން ދަނީ ހިތްގައިމު ހަރަކާތްތަކާއި އޮފާތައް އާންމުންނަށް ގެނެސްދެމުން ކަމަށާއި ކުރިއަށް އޮތް ތަނުގައި ވެސް ހުރިހާ ކަސްޓަމަރުންނަށް ބަރަކާތްތެރި މައްސަރަކަށް އެދޭ ކަމަށެވެ.

ދިރާގުން ދަނީ ކޮންމެ ރަމަޟާން މަހުގައިވެސް ކަސްޓަމަރުންނާއި ދިވެހި ރާއްޖޭގައި އުޅޭ ފަރާތްތަކަށް އިތުރު ހަރަކާތްތަށް ގެނެސްދެމުންނެވެ.