ފައިބާ ބްރޮޑްބޭންޑަށް އަލަށް ގުޅޭ ކަސްޓަމަރުންނަށް ހާއްސަ ޕްރޮމޯޝަނެއް

މުޅިން އަލަށް ދިރާގު ފައިބާ ބްރޯޑްބޭންޑް ކަނެކްޝަނަށް އެދޭ ކަސްޓަމަރުންނަށް ހިލޭ ރައުޓަރު އަދި ހިލޭ ސެޓްއަޕް ލިބޭ ޚާއްސަ ޕްރޮމޯޝަނެއް ދިރާގުން ފަށައިފިއެވެ.

މި ޕްރޮމޯޝަން ހާއްސަވަނީ ފައިބާ ބްރޯޑްބޭންޑްގެ ކޮންމެ ޕެކޭޖަކަށް ސަބްސްކްރައިބް ކުރާ ރެސިޑެންޝަލް ކަސްޓަމަރުންނަށެވެ. އެގޮތުން މި ޕްރޮމޯޝަން ކުރިއަށް ދާނީ މި މަހުގެ 2 ން 15ގެ ނިޔަލަށެވެ.

މި ޕްރޮމޯޝަނާ ގުޅިގެން ދިރާގުގެ އެކުއިޒިޝަންސް މެނޭޖަރު ޖަނާ އިބްރާހިމް ވިދާޅުވީ އެއްވެސް ސެޓްއަޕް ފީ އެއް ނެތި، ރާއްޖޭގެ އެންމެ ބޮޑު އަދި އެންމެ ހަލުވި ފައިބާ ނެޓްވޯކްއާ ގުޅުމަށް މިއީ ކަސްޓަމަރުންނަށް ލިބޭނެ އަގުހުރި ފުރުސަތެއް ކަމަށެވެ.

އަދި، މި ފުރުސަތަކީ ދިރާގު ފައިބާ ބްރޯޑްބޭންޑާ އެކު ކަސްޓަމަރުންނަށް ތަފާތު އެކި ޕެކޭޖްތަށް ހިޔާރުކޮށް، އެންމެ ބޮޑު ޑޭޓާ އެލަވަންސްތަކާއި ހަލުވި ސްޕީޑް ތަޖުރިބާކޮށްލަން ލިބޭނެ ފުރުސަތެއް ކަމަށް ވެސް ޖަނާ ވިދާޅުވިއެވެ.

ދިރާގު ފައިބާ ބްރޯޑްބޭންޑް ހިދުމަތަކީ ރާއްޖޭގައި މިހާރު ފޯރުކޮށްދެމުންދާ އެންމެ ބޮޑު ފައިބާ ނެޓްވޯކެވެ. އެގޮތުން މިހާރު ރާއްޖޭގެ ގޭބިސީގެ 87 ޕަސެންޓަށް މި ހިދުމަތް ދިރާގުން ވަނީ ފޯރުކޮށްދީފައެވެ.

ދިރާގުގެ މި ޕްރޮމޯޝަނާ ބެހޭ މައުލޫމާތު އެކުންފުނީގެ ވެބްސައިޓުން ލިބޭނެއެވެ.