ވަށަފަރު ޑައިވް އެންޑް ވޯޓާ ސްޕޯޓްސް އިން ސްކޫލު ބަންދާ ދިމާކޮށް ޕަޑީ އޯޕަން ވޯޓާ ޑައިވް ކޯހެއް

ވަށަފަރު ޑައިވް އެންޑް ވޯޓާ ސްޕޯޓްސް ޖޫން/ޖުލައިގެ ސްކޫލް ބަންދާ ދިމާކޮށް ޕަޑީ އޯޕަން ވޯޓާ ޑައިވް ކޯހެއް ހިންގުމަށް ހަމަޖެހިއްޖެ އެވެ.

މި ކޯސް ކުރިއަށްގެންދަން ރާވާފައިވަނީ މިއަހަރުގެ ޖޫން/ޖުލައިގެ ސްކޫލް ބަންދާ ދިމާކޮށް ހއ ވަށަފަރުގައި އެވެ. މި ކޯސް ފުރިހަމަ ކުރާ ބައިވެރިންނަށް ޕަޑީ އިންޓަނޭޝަނަލް ސެޓްފިކެޓެއް ލިބިގެންދާނެ އެވެ.

ތަޖުރިބާކާރު ޑައިވިންގ އިންސްޓްރަކްޓަރު އިސްމާއިލް މާހިރު (މާރިއޯ) ކުރިއަށްގެންދާ މި ކޯހުގައި 12 އަހަރުން މަތީގެ ކޮންމެ އުމުރެއްގެ އަދި ކޮންމެ ޖިންސެއްގެ މީހަކަށްވެސް ބައިވެރިވުމުގެ ފުރުސަތު އެބައޮތެވެ.

ހއ ވަށަފަރުގެ، ވަށަފަރު ޑައިވް އެންޑް ވޯޓާ ސްޕޯޓްސްގައި ކުރިއަށްގެންދާ މި ކޯހަކީ 4 ނުވަތަ ފަސް ދުވަހުގެ މުއްދަތަށް ކުރިއަށްގެންދާ ކޯހެކެވެ. ކެއުމާއި ހުރުން ހަމަޖައްސައިދޭ ގޮތަށް ކުރިއަށްގެންދަން ނިންމާފައިވާ މި ކޯހުގައި ބައިވެރިވުމަށް 7000 ރުފިޔާގެ ފީއެއް ދައްކަން ޖެހޭނެ އެވެ.

އެކަމަކު އަމިއްލައަށް ކެއުމާއި ހުރުމާ ޖަހައްސައި ފަރާތްތަކަށް ކޯހުގެ ފީ ކުޑަވާނެކަމަށް ވަށަފަރު ޑައިވް އެންޑް ވޯޓާ ސްޕޯޓްސް އިން މައުލޫމާތުދެ އެވެ.

މި ކޯހުގައި ބައިވެރިވާން ބޭނުންވާ ފަރާތްތަކާއި ކޯހާ ބެހޭ އިތުރު މައުލޫމާތު ބޭނުންނަމަ މާރިއޯގެ ނަމްބަރު 7960475 އަށް ގުޅުމުން ލިބޭނެ އެވެ.