ޕީއެސްއެމް ހިންގަނީ ރައްޔިތުންގެ ޓެކްސް ފައިސާއިން، ރައްޔިތުން ތަމްސީލުކުރާ މެމްބަރުން ދައްކާ ވާހަކަތައް ގެނެސްދޭން މަޖުބޫރު: އީވާ

ޕަބްލިކް ސާވިސް މީޑިއާ (ޕީއެސްއެމް) ހިންގަނީ ރައްޔިތުންގެ ޓެކްސް ފައިސާ އިން ކަމަށާއި އެހެންކަމުން ރައްޔިތުންގެ މަޖިލީހުގެ ލައިވް ޖަލްސާތައް އެ ޗެނެލްއިން ދެއްކުން ހުއްޓައެއް ނުލެވޭނެ ކަމަށް މަޖިލީހުގެ ނާއިބު ރައީސް އަދި ގަލޮޅު އުތުރު ދާއިރާގެ މެމްބަރު އީވާ އަބްދުﷲ ވިދާޅުވެއްޖެއެވެ.

އޮންލައިން ނޫހަކުން ޕީއެސްއެމްއިން މަޖިލިސް ދެއްކުން ހުޓާލައިފިކަމަށް ލިޔެފައިން ހަބަރެއް ރީޓްވީޓް ކުރަމުން އީވާ ކުރި ޓްވީޓެއްގައި ވިދާޅުވީ ޕީއެސްއެމް ހިންގަނީ ރައްޔިތުންގެ ޓެކްސް ފައިސާއިން ކަމަށާއި އެހެން ކަމުން ރައްޔިތުން ތަމްސީލުކުރާ މިހުން ދައްކާ ވާހަކަތައް ޕީއެސްއެމްއަށް ދައްކަން މަޖުބޫރު ކަމަށެވެ.

PSM is run on taxpayers’ money. PSM has an obligation to show the public what their representatives are saying/how they are voting. Give them the choice to switch it off.

This is a stark reversal of a key win of the democratisation movement; this is censorship.
Back to the 90s. https://t.co/RrrkfgILz1

— Eva Abdulla 🎈❓ (@evattey) May 25, 2023

އަދި ޕީއެސްއެމް ޓީވީ ނިއްވާލުމުގެ ހައްގު އޮންނާނީ ރައްޔިތުންނަށް ކަމަށް ވެސް އޭނާ ވިދާޅުވިއެވެ.

"މިއީ ޑިމޮކްރަސީއާއެކު އަޅުގަނޑުމެން ހޯދި ހައްގުތައް އަލުން ނިގުޅައިގަތުން. އަނެއްކާވެސް 90 ގެ އަހަރުތަކުގެ ތެރެއަށް މިދިޔައީ" އީވާ ވިދާޅުވިއެވެ.