އެމްއެންޑީއެފްގެ ނޮދަން އޭރިއާ ހެޑްކުއާޓަރު ތިލަދުންމައްޗަށް ބަދަލުކުރާތީ އެކަން ފާހަގަކުރަން ސަރަހައްދުގެ ރަށްތަކުގައި ޕެރޭޑް ބާއްވަނީ
މޯލްޑިވްސް ނޭޝަނަލް ޑިފެންސް ފޯސްގެ ނޮދަން އޭރިއާ ހެޑްކުއާޓަރު ހދ ހަނިމާދޫއަށް ބަދަލުކުރާތީ އެކަން ފާހަގަކުރުމުގެ ގޮތުން އެ ސަރަހައްދުގެ ރަށްތަކުގައި އެމްއެންޑީއެފްގެ މިލިޓަރީ ޕެރޭޑް ބާއްވަން ހަމަޖެހިއްޖެ އެވެ.
އެމްއެންޑީއެފުން ނޮދަން އޭރިއާ ހެޑްކުއާޓަރު ހަނިމާދޫއަށް ބަދަލުކުރަން ނިންމާފައި ވަނީ އުތުރުގެ ގިނަ ރަށްތަކާ މިހާރުގެ ހެޑްކުއާޓަރު ދުރުވުމުން ކަމަށެވެ. މިހާރު ނޮދަން އޭރިއާ ހެޑްކުއާޓަރު ހުންނަނީ ޅ. މާފިލާފުށީގަ އެވެ. އެރަށުގައި ނޮދަން އޭރިއާގެ ހެޑްކުއާޓަރު ގާއިމުކުރީ 2009 ވަނަ އަހަރު އެވެ.
ނޮދަން އޭރިއާ ކޮމާންޑް ހެޑްކުއާޓަރު ބަދަލުކުރާ އެކަން ފާހަގަކުރުމުގެ ގޮތުން ސިފައިންގެ ހާއްސަ ޕެރޭޑެއް ތިލަދުންމަތީގެ ފަސް ރަށެއްގައި ބޭއްވުމަށް ވަނީ ހަމަޖެހިފަ އެވެ.
ޕެރޭޑް ބާއްވާ ރަށްތައް
- ހަނިމާދޫ - 25 އޯގަސްޓް
- ކުޅުދުއްފުށި - 26 އޯގަސްޓް
- ދިއްދޫ - 27 އޯގަސްޓް
- އިހަވަންދޫ - 28 އޯގަސްޓް
- ނޮޅިވަރަންފަރު - 29 އޯގަސްޓް
މި ޕެރޭޑްތައް އޮންނާނީ ހަވީރު 16:30 ގަ އެވެ. އެމްއެންޑީއެފުން ބުނީ، ޕެރޭޑަށް ފަހު ސިފައިންނާއެކު ފޮޓޯ ނެގުމުގެ ފުރުސަތު އާންމުކޮށް ހުޅުވާލެވިފައިވާ ކަމަށެވެ.
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: މިނިސްޓަރ ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
