ވަތަނީ ހިދުމަތުގެ ތިން ވަނަ ބެޗް ދަސްވެނިވެއްޖެ

ނޭޝަނަލް ސާވިސް ޓްރޭނިންގެ ތިން ވަނަ ބެޗުގެ ދަރިވަރުން ދަސްވެނިވެއްޖެ އެވެ.

ޖޫން 8 ގައި ފެށި ނޭޝަނަލް ސާވިސްގެ ތިން ވަނަ ބެޗް ގައި 350 ދަރިވަރުން ބައިވެރިވި އެވެ. އޭގެ ތެރެއިން ޓްރެއިނިން ފުރިހަމަކޮށް ދަސްވެނިވީ 341 ދަރިވަރުންނެވެ.

އޭގެ ތެރޭގައި ހިމެނެނީ ރާއްޖޭގެ 20 އަތޮޅަކުން 115 ރަށަކަށް ނިސްބަތްވާ 62 އަންހެނުންނާއި 279 ފިރިހެނުންނެވެ.

ހަތަރު މަހެއްހާ ދުވަހަށް ކުރިޔަށް ގެންދާ މި ޓްރެއިނިންގެ ދަށުން މިހާތަނަށް 1،028 ޒުވާނަކު ވަނީ ތަމްރީނުކޮށްފަ އެވެ.