ކުޅުދުއްފުށީގެ މެޖޯރިޓީ ޑރ މުއިއްޒަށް

މިއަދު ބޭއްވި ރިޔާސީ އިންތިހާބުގައި ކުޅުދުއްފުށީގައި ބެހެއްޓި ވޯޓްފޮށިތަކުން ޕީޕީއެމް/ޕީއެންސީގެ ކެންޑިޑޭޓް ޑރ މުހައްމަދު މުއިއްޒު ކުރިހޯދައްވައިފި އެވެ.

ކުޅުދުއްފުށީގައި 9 ވޯޓް ފޮއްޓެއް ބެހެއްޓިއިރު އެއްވޯޓް ފޮއްޓަކީ ރަށުން ބޭރު މީހުން ވޯޓްލުމަށް ބެހެއްޓި ފޮއްޓެކެވެ. މިހާތަނަށް ވަގުތީ ނަތީޖާއިން ގޮތުގައި 1840 ވޯޓް ލިބިފައިވާއިރު މުއިއްޒާ އެންމެ ކައިރި ވާދަކުރެއްވި ރައީސް އިބުރާހިމް މުހައްމަދު ސޯލިހަށް ލިބިވަޑައިގެންނެވީ 1314 ވޯޓެވެ.

ކުޅުދުއްފުށިން ދެން އެންމެ ގިނަ ވޯޓް ލިބިވަޑައިގެންނެވީ އަމިއްލަގޮތުން ވާދަކުރެއްވި އުމަރު ނަސީރަށެވެ. އެމަނިކުފާނަށް 400 ވޯޓް ލިބިވަޑައިގެންނެވިއިރު ދަ ޑިމޮކްރެކްސްގެ ކެންޑިޑޭޓް އިލްޔާސް ލަބީބަށް ލިބިވަޑައިގެންނެވީ 216 ވޯޓެވެ.

ފާރިސް މައުމޫނަށް 43 ވޯޓް ލިބިވަޑައިގެންނެވިއިރު ޖުމްހޫރީ ޕާޓީގެ ކެންޑިޑޭޓް ގާސިމް އިބުރާހިމަށް ލިބިވަޑައިގެންނެވީ 39 ވޯޓެވެ. އެމްއެންޕީގެ ކެންޑިޑޭޓް މުހައްމަދު ނާޒިމަށް 14 ވޯޓް ލިބިވަޑައިގެންވިއިރު އަމިއްލަގޮތުން ވާދަކުރެއްވި ކެންޑިޑޭޓް ހަސަން ޒަމީލަށް ލިބިވަޑައިގެންނެވީ 6 ވޯޓެވެ.

މި އިންތިހާބުގައި ވޯޓްލުމަށް ކުޅުދުއްފުށިން ނުކުމެފައިވަނީ ނިސްބަތުން މަދު ބަޔެކެވެ. ކުޅުދުއްފުށީގައި ވޯޓްލުމުގެ ހައްގު ލިބިގެންދާ 5901 މީހުން އެބަތިއްބެވެ.