ދެ ވަނަ ބުރުގައި ކެންޑިޑޭޓުން ބޭނުން ކުރާނީ ކުރިން ބޭނުންކުރި ނަންބަރުތައް

މިމަހުގެ 30 ވަނަ ދުވަހު ބާއްވާ ރިޔާސީ އިންތިޚާބުގެ ދެވަނަ ބުރުގައި ވާދަކުރައްވާ ދެ ކެންޑިޑޭޓުން ބޭނުންކުރައްވާނީ ފުރަތަމަ ބުރުގައި ވެސް އެ ކެންޑޭޓުން ބޭނުން ކުރެއްވި ނަމްބަރުތައް ކަމަށް އިލެކްޝަންސް ކޮމިޝަން (އީސީ) އިން ރޭ ބުނެފިއެވެ.

އީސީގެ ނައިބު ރައީސް އިސްމާއީލް ހަބީބް ވިދާޅުވީ "ރިޔާސީ އިންތިހާބު 2023" ގެ ދެވަނަ ބުރަށް ދިޔަ ދެ ކެންޑިޑޭޓުންގެ ކެންޑިޑޭޓް ނަންބަރަކީ ހަމަ ކުރިން ވެސް ބޭނުން ކުރި ނަންބަރު ކަމަށެވެ.

ރިޔާސީ އިންތިހާބު 2023 ގެ
ދެވަނަބުރުގައި ވާދަކުރައްވާ ދެ ކެންޑިޑޭޓުންގެ ކެންޑިޑޭޓު ނަންބަރަކީ،
ހަމަ ކުރީގެވެސް ނަންބަރު.#visnun23 @ElectionsMv @MDPSecretariat @ProgressPartyMV @psmnewsmv @PoliceMv @presidencymv @mvpeoplesmajlis

— Ismail Habeeb (@IsmailHabeeb) September 10, 2023

އެހެން ކަމުން ރިޔާސީ އިންތިހާބުގެ ދެވަނަ ބުރަށް ވަޑައިގެންނެވި އެމްޑީޕީގެ ރިޔާސީ ކެންޑިޑޭޓު އިބްރާހީމް މުހައްމަދު ސޯލިހަށް ލިބިވަޑައިގެންފައި ވަނީ ތިން ވަނަ ނަންބަރެވެ. ޕީއެންސީގެ ރިޔާސީ ކެންޑިޑޭޓް، ޑރ. މުހައްމަދު މުއިއްޒުގެ ކެންޑިޑޭޓް ނަންބަރަކީ ހަތަރު ވަނަ ނަންބަރެވެ.

އިއްޔެ ބޭއްވި ރިޔާސީ އިންތިހާބުގައި މުއިއްޒު ވަނީ އެއްލައްކައަށް ވުރެ ގިނަ ވޯޓު ހޯއްދަވާފައެވެ. ރައީސް ސޯލިހަށް ލިބިވަޑައިގަތީ 86،161 ވޯޓެވެ.

ރިޔާސީ އިންތިހާބުގެ ދެވަނަ ބުރުގެ ވޯޓުލުން ކުރިއަށްގެންދިއުމަށް އިލެކްޝަންސް ކޮމިޝަނުން ކަނޑައަޅުއްވާފައިވަނީ މިމަހުގެ 30 ވާ ހޮނިހިރު ދުވަހުއެވެ.