މި މަހުގެ 30ގައި ބާއްވާ ރިޔާސީ އިންތިހާބުގެ ދެވަނަ ބުރުގައި ވޯޓުލާ ފަރާތްތަކަށް ރީ ރަޖިސްޓްރީވުމަށް ދޭނީ ދެ ދުވަހުގެ ކުރު މުއްދަތެއް ކަމަށް އިލެކްޝަންސް ކޮމިޝަން (އީސީ)އިން ބުނެފިއެވެ.
އީސީގެ ރައީސް ފުވާދު ތައުފީގު ކުރެއްވި ޓްވީޓެއްގައި ވިދާޅުވީ ފުރަތަމަ ބުރުގައި ވޯޓުލާން ރަޖިސްޓްރީވެފައިވާ ތަން ނޫން އެހެން ތަނަކަށް ވޯޓުލާން ބޭނުންވާ މީހުންނަށް ރީ ރަޖިސްޓްރޭޝަނަށް ދެ ދުވަހުގެ މުއްދަތެއް ދެވޭނެ ކަމަށެވެ. އަދި ލަފާ ކުރެވޭ ގޮތުގައި އެ ފުރުސަތު ދޭން ނިންމާފައިވަނީ މި މަހުގެ 16 އަދި 17 ވަނަ ދުވަހު ކަމަށާއި އެކަމާމެދު ގޮތެއް ނިންމައި ރަސްމީކޮށް އިއުލާން ކުރައްވާނެ ކަމަށް ވެސް އޭނާ ވިދާޅުވިއެވެ.
A very short period of 2 days will be given for reregistration for those who want to change the place voting. As of now, we allocate 16-17 September, but we will announce and gazette it. https://t.co/htwt6KwMTP
— Fuwad Thowfeek (@FuwadThowfeek) September 10, 2023
ވޯޓުލުމުގެ ހައްގު ލިބިފައިވާ ފަރާތްތައް ދެވަނަ ބުރުގައި ވޯޓުލާން ރަޖިސްޓްރީވެފައި އޮންނާނީ ފުރަތަމަ ބުރުގައި ވޯޓުލި ފޮށިތަކުގައެވެ.
އީސީގެ ނާއިބު ރައީސް އިސްމާއީލް ހަބީބު ވިދާޅުވި ގޮތުގައި ރިޔާސީ އިންތިހާބުގެ ދެވަނަ ބުރުގެ ވޯޓުލުން ކުރިއަށްދާނީ މި މަހުގެ 30 ވާ ހޮނިހިރު ދުވަހުއެވެ. ފުރަތަމަ ބުރުގައި ވޯޓުލީތަން ނޫން އެހެންތަނެއްގައި، ދެވަނަބުރުގައި ވޯޓުލާން ބޭނުންވާ މީހުންނަށް، އެ ފުރުސަތު އީސީން ވަރަށް އަވަހަށް ހުޅުވާލާނެ ކަމަށް ވެސް އޭނާ ވިދާޅުވިއެވެ.
ހަނިގޯޅިތައް ހުރި ސަރަހައްދުތައް ތަރުތީބުކުރުމަށް ހަތަރު ގެއަކަށް ބިން ދީފި
ކުޅުދުއްފުއްޓާއި އައްޑޫގައި ސިނަމާ ކޮމްޕްލެކްސް ގާއިމުކުރުމުގެ މަސައްކަތް ވަރަށް އަވަހަށް ފެށޭނެ
ބިރުވެރި ހޮހޮޅައާއެކު ކުޅުދުއްފުށީގައި ބާއްވާ ބޮޑު ބާޒާރު ފަށައިފި
ބޯޒިޔާރާތް ބީޗް ތަރައްގީކޮށް ހުޅުވުން
