ހާޝިމް، ދިއްދޫ ދާއިރާއަށް ވާދަކުރައްވަނީ

ހއ ދިއްދޫ ކައުންސިލްގެ ކުރީގެ ރައީސް އަލީ ހާޝިމް ދިއްދޫ ދާއިރާގެ މަޖިލިސް ގޮނޑިއަށް ވާދަކުރަން ނިންމައިފިއެވެ.

މިދިޔަ ހުކުރުދުވަހު ހާޝިމް ކުރެއްވި ޓުވީޓެއްގައި ވިދާޅުވީ 2024 ވަނަ އަހަރުގެ ރައްޔިތުންގެ މަޖިލީހުގެ އިންތިހާބުގައި ދިއްދޫ ދާއިރާގެ ގޮނޑިއަށް ކުރިމަތިލާން ނިންމާފައިވާކަމަށެވެ.

އައްސަލާމް އަލައިކުމް.
މާތްالله ގެ ވާގިފުޅާއެކު، 2024 ވަނަ އަހަރުގެ ރައްޔިތުންގެ މަޖިލިހުގެ އިންތިޚާބުގައި، ހއ ދިއްދޫ ދާއިރާގެ މެމްބަރުކަމަށް ކުރިމަތިލުމަށް އަޅުގަނޑު ނިންމައިފިން. އަދި މިކަމުގައި ދިއްދޫގެ ލޮބުވެތި ރައްޔިތުންގެ ތާއީދަށް އެދެން. ޝުކުރިއްޔާ #Dhidhdhoo #Majlis2024 pic.twitter.com/PZvbXyN4iW

— Ali Hashim Didi (@hashimex) November 24, 2023

އެހެން ކަމުން ހާޝިމް ވަނީ މިކަމުގައި ދިއްދޫގެ ލޮބުވެތި ރައްޔިތުންގެ ތާއީދަށް އެދޭ ކަމަށް ވިދާޅުވެފަ އެވެ. ނަމަވެސް އޭނާ މަޖިލީހުގެ އިންތިހުގައި ވާދަކުރައްވާނީ ކޮން ޕާޓީއެއްގެ ޓިކެޓްގައި ކަމެއް ހާމަކޮށްފައެއް ނުވެއެވެ.

ދިއްދޫގައި އެމްޑީޕީ ހަރަކާތްތަކުގައި އިސްކޮށްއުޅުނު ހާޝިމްވަނީ 16 ނޮވެމްބަރު 2023 ގައި އެ ޕާޓީން ވަކިވެފައެވެ.

ރައީސް އިބްރާހީމް މުހައްމަދު ސާލިހު، ހާޝިމް ތައިލެންޑްގައި ހުންނަ ރާއްޖޭގެ އެންބަސީގެ މަގާމަކަށް އައްޔަނުކުރެއްވުމުން ރައީސް ސޯލިހުގެ ދައުރު ނިމެންދެން އޭނާ އެ މަގާމުގައި ހުއްޓެވެ.