މުސާރަތައް ބޮޑުކުރުމާއެކީ ފުލުހުންނަށް ދެމުން އައި އެލަވަންސްތަކަށް އަންނަ މަހުން ފެށިގެން ބޮޑެތި ބަދަލުތަކެއް ގެންނަން ވަނީ ނިންމާފަ އެވެ. މިކަމާ ގުޅޭގޮތުން އެ އިދާރާއިން ބުނީ އާ މުސާރައިގެ އޮނިގަނޑުގައި ހިމެނެނީ އަސާސީ މުސާރައިގެ އިތުރުން މަގާމުގެ އެލަވަންސާއި ޖޮބް އެލަވަންސާއި ކުރާ މަސައްކަތާއި ގުޅޭގޮތުން ދެވޭ އެލަވަންސެއް ކަމަށެވެ.

އެލަވަންސްތަކަށް ބަދަލު ގެނައީ، ފުލުހުން ބުނި ގޮތުގައި، މުސާރަައިގެ އޮނިގަނޑު ޒަމާނީކޮށް ފުލުހުން ކުރަމުންދާ މަސައްކަތްތަކާ ގުޅޭގޮތުން އެލަވަންސްތަކެއް ތައާރަފުކުރުމުގެ ގޮތުންނެވެ. މި ބަދަލުތައް ވަނީ ފުލުހުންގެ ވަޒީފާގެ ގަވާއިދަށް ގެނައި އިސްލާހުގައި ހިމަނާފަ އެވެ.

އެގޮތުން ކުރިން އަމަލުކުރަން އައި ގަވާއިދުގެ ދަށުން ފުލުހުންނަށް ހަތް އެލަވަންސެއް ލިބެ އެވެ. އެއީ ސާވިސް އެލަވަންސާއި ނަން ޕްރެކްޓިސިން އެލަވަންސާއި ދިގު މުއްދަތުގެ ހިދުމަތުގެ އެލަވަންސްގެ އިތުރުން ޔުނީފޯމް އެލަވަންސާއި ލިވިން އެލަވަންސާއި ޕްރޮފެޝަނަލް އެލަވަންސާއި ޓެކްނިކަލް އެލަވަންސެވެ.

އާ ގަވާއިދުގެ ދަށުން ދެން ފުލުހުންނަށް ލިބޭނީ މަގާމުގެ އެލަވަންސާއި ސާވިސް އެލަވަންސާއި ފުލުހުންގެ ހިދުމަތުގައި ވަޒީފާ އަދާކުރާ ދާއިރާ އާއި ކުރާ މަސައްކަތަށް ބިނާކޮށް އަލަށް ތައާރަފުކުރާ ޕޮލިސް އެލަވަންސެވެ.

ފުލުހުންނާއި ސިފައިންގެ މުސާރައިގެ އިތުރުން ވެސް ރައީސް ވިދާޅުވީ، ސިފައިންނާއި ފުލުހުންނަށް ހާއްސަކޮށްގެން ހުޅުމާލޭގައި އަޅަމުން އަންނަ ފްލެޓްތަކުގެ މަސައްކަތް ވެސް ނިމި އެތަނަށް ފުލުހުންނަށް ވެސް ވަރަށް އަވަހަށް ވަދެވޭނެ ކަމަށެވެ.

އިތުރު ލިޔުންތައް

ރައީސުލްޖުމްހޫރިއްޔާ ޑރ މުހައްމަދު މުއިއްޒު

މިލިޔުމާއި ގުޅޭ