ކުޅުދުއްފުށީ އެއާޕޯޓްގެ އެސިސްޓެންޓް މެނޭޖަރަކަށް ބޭފުޅަކު ހަމަޖައްސައިފި

ކުޅުދުއްފުށީ އެއާޕޯޓްގެ އެސިސްޓެންޓް މެނޭޖަރަކަށް ބޭފުޅަކު ހަމަޖައްސަވައިފި އެވެ. އެ މަގާމަށް ހަމަޖެއްސެވި އަބުދުލް އަހަދު ވަޒީފާއަށް ނުކުންނަވަން ފެއްޓެވީ މިދިޔަ ބުރާސްފަތިދުވަހު އެވެ.

މީގެ ކުރިން އެތަނުގައި އެސިސްޓެންޓް މެނޭޖަރެއް ނުހުންނަވަ އެވެ. ހުންނަވަނީ މެނޭޖަރެކެވެ. އެކަމަކު އާ ސަރުކާރު އައިފަހުން އެ މެނޭޖަރުގެ މައްޗަށް ސީނިއާ މެނޭޖަރެއްވެސް ވަނީ ހަމަޖައްސަވާފަ އެވެ.

އެސިސްޓެންޓް މެނޭޖަރަކަށް ހަމަޖެއްސެވި އަބުދުލް އަހަދަކީ މާލެއަށް ނިސްބަތްވާ ބޭފުޅެކެވެ. އޭނާ ކުޅުދުއްފުށީގައި ދިރިއުޅުއްވާތާ މިހާރު ދެ އަހަރުވެދާނެ އެވެ.