މިއަދު ކުރިއަށްދިޔަ 20 ވަނަ ރައްޔިތުންގެ މަޖިލީހުގެ ކުޅުދުއްފުށީ ދެ ދާއިރާގެ ގޮނޑި ސަރުކާރު ހިންގާ ޕީޕަލްސް ނެޝަނަލް ކޮންގްރެސް (ޕީއެންސީ)ގެ ދެ ކެންޑިޑޭޓުން ކާމިޔާބު ކުރައްވައިފިއެވެ.
އެމްޑީޕީ ޓިކެޓްގައި ކުޅުދުއްފުށީ އުތުރު ދާއިރާއަށް ވާދަކުރެއްވީ މިހާރުގެ މެމްބަރު ޔާސިރު އަބުދުލްލަތީފެވެ. އޭނާގެ މައްޗަށް ކައުންސިލް މެމްބަރު މުހައްމަދު ދާއޫދު މިވަނީ ކުރި ހޯދަވައި އިންތިހާބު ކާމިޔާބުކުރައްވާފަ އެވެ.
ކުރީގެ ތޮއްޑޫ ދާއިރާގެ މެމްބަރު އަލީ ވަހީދު އެމްޑީޕީގެ ޓިކެޓެއްގައި ކުޅުދުއްފުށީ ދެކުނު ދާއިރާއަށް ކުރިމަތިލެއްވިއިރު އޭނައާ ވާދަކުރެއްވީ ފަރުހަތު މުހައްމަދެވެ.
ވިހިވަނަ މަޖިލީހުގެ 93 ދާއިރާއަށް މެންބަރުން ހޮވަން މިއަދު ބޭއްވި އިންތިޚާބުގައި ދެ ލައްކައަށް ވުރެ ގިނަ މީހުން ވަނީ ވޯޓުލައިފައެވެ. ޖުމުލަ 90 ދާއިރާއަކަށް ޕީއެންސީގެ ކެންޑިޑޭޓުން ވާދަކުރީއިރު، އިދިކޮޅު އެމްޑީޕީން ވާދަކޮށްފައިވަނީ 89 ދާއިރާއަކަށެވެ. އަދި، އަމިއްލަ 130 ކެންޑިޑޭޓުންނާއި، ޖުމްހޫރީ ޕާޓީ (ޖޭޕީ)ގެ 10 ކެންޑިޑޭޓުންނާއި ދަ ޑިމޮކްރެޓްސްގެ 39 ކެންޑިޑޭޓުން އިންތިޚާބުގައި ވާދަކުރިއެވެ.
ކެނަލް ސްޕޯޓްސްއިން ކުޅުދުއްފުށީގައި ބީޗްވޮލީ މުބާރާތެއް، ބައިވެރިވުމުގެ ފުރުސަތު!
ރާއްޖޭގެ ފުރަތަމަ ސިމް ރޭސިންގ މުބާރާތުގެ ކުޅުދުއްފުށި އެޑިޝަން މާދަމާ ފަށަނީ
އެފްއޭއެމް ނޯތު ޒޯން އެކެއްގެ ތަށި އިހަވަންދޫ ބަލިކޮށް ނައިވާދޫއިން ހިއްލާލައިފި
އުފެއްދުންތެރިކަމުގެ މައުރަޒުގައި ކުޅުދުއްފުށިން ބައިވެރިވާ ފަރާތްތަކަށް ކައުންސިލުން އެހީތެރިކަން ފޯރުކޮށްދީފި
