ރާއްޖޭގެ ދެ ސަރަހައްދަކުން 51 އިންޑިއާ ސިފައިން މިހާތަނަށް އަނބުރާ ފޮނުވާލާފައިވާކަމަށް ދިވެހި ސަރުކާރުން ހާމަކުރައްވައިފިއެވެ.
ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި، ނޫސްވެރިއެއްގެ ސުވާލަކާ ގުޅިގެން ޗީފް ސްޕޯކްސްޕާސަން ހީނާ ވަލީދު ވިދާޅުވީ ދެ ތަނަކުން ބޭރުގެ ޖުމްލަ 51 ސިފައިން މިހާތަނަށް އިންޑިއާއަށް ފޮނުވާލާފައިވާ ކަމަށެވެ. އަދި އަންނަ ހުކުރު ދުވަހުގެ ކުރިން ބާކީ ތިބި ސިފައިން އަނބުރާ ދާނެ ކަމަށް އޭނާ ވިދާޅުވި އެވެ.
"މެއި މަހުގެ 10 ވާއިރަށް ރާއްޖޭގައި ތިބި ހުރިހާ ސިފައިން ފައިބައިގެން ދާނެ. މިހާތަނަށް ދެ ޕްލެޓްފޯމަކުން 51 ސިފައިން ފައިބައިގެން ދިޔައީ." ހީނާ ވިދާޅުވި އެވެ.
އިންޑިއާ ސިފައިންގެ ފުރަތަމަ ބެޗު ރާއްޖެ ދޫކޮށް ދިޔައީ މިދިޔަ މާޗު މަހުގެ ކުރީކޮޅެވެ. އަދި ދެވަނަ ބެޗު ފުރީ މިދިޔަ މަހު އެވެ.
ސަރުކާރުން ކުރިން ބުނެފައިވާ ގޮތުގައި ރާއްޖޭގައި އިންޑިއާގެ 89 ސިފައިންގެ މީހަކު ތިއްބެވެ. ނަމަވެސް، އެއީ އެހާތަނަށް ކަށަވަރުކުރެވުނު އަދަދު ކަމަށް ސަރުކާރުން ވަނީ ބުނެފަ އެވެ.
ހީނާ ވިދާޅުވީ، މި 3 ޕްލެޓްފޯމުގައި ތިބި ހުރިހާ އިންޑިއާ ސިފައިން ހުކުރު ދުވަހުގެ ނިޔަލަށް އަނބުރާ ގައުމަށް ދިއުމާއެކު، އެކަމާގުޅޭ އިތުރު ތަފްސީލު ސަރުކާރުން ހާމަކުރައްވާނެކަމަށެވެ.
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
އުރީދުގެ ހާއްސަ އާންމު ޖަލްސާ އަންނަ މަހު ބާއްވަނީ
