މޭޔަރު ސްކޫލުތަކަށް ޒިޔާރަތްކުރައްވައި ހާލަތު ބައްލަވާލައިފި

ކުޅުދުއްފުށި މޭޔަރު މުހައްމަދު އާތިފް ކުޅުދުއްފުށީގެ ސަރުކާރުގެ ސްކޫލަށް ޒިޔާރަތްކުރައްވައި، އެތަންތަނުގެ ހާލަތު ބައްލަވާލައިފި އެވެ.

މި ޒިޔާރަތުގައި މޭޔަރު ވަނީ ސްކޫލްތަކުގެ ޕްރިންސިޕަލުންނާއި އެސްއެމްޓީއާ ބައްދަލުކޮށް އެތަންތަނުގައި ހުރި ގޮންޖެހުންތައް އޮޅުންފިލުއްވާފަ އެވެ.

ކުޅުދުއްފުށީގެ ސަރުކާރު 03 ސްކޫލުގައި ޖުމްލަ 2874 ދަރިވަރުން ތައުލީމު ހާސިލް ކުރަމުންދާއިރު، ސިޓީ ކައުންސިލުން ބުނީ ކިޔަވައިދިނުމަށް އެކަށީގެންވާ މިންވަރަށް މުދައްރިސުން ތިބިކަމާއި ދަރިވަރުންގެ ފޮތްތައް ލިބުމުގައި ދަތިކަމެއް ނެތްކަން ސްކޫލްތަކުން ފާހަގަކޮށްފައިވާކަމަށެވެ.

ސިޓީ ކައުންސިލުންވެސް ފާހަގަކުރެއްވީ، މިވަގުތު 3 ސްކޫލަށްވެސް ދިމާވެފައިވާ އެންމެބޮޑު ގޮންޖެހުމަކީ ޖާގައިގެ ދަތިކަން ކަމަށެވެ.

ދިރާސީ އައު އަހަރުގެ ކިޔެވުން މިއަދު ފެށުމާއިއެކު، ކޮންމެ އަހަރެކޭވެސް އެއްފަދައިން ކުޅުދުއްފުށި ސިޓީގެ މޭޔަރ މިއަދުވަނީ ކުޅުދުއްފުށީގެ ސްކޫލްތަކަށް ޒިޔާރަތްކޮށް، 3 ސްކޫލްގެ ޕްރިންސިޕަލުންނާއި ބައްދަލުކުރައްވާ ސްކޫލްތަކުގެ އަދާހަމަ އާއި މިވަގުތު ހުރި ގޮންޖެހުންތައް… pic.twitter.com/FVJZPCkdgp

— Kulhudhuffushi City Council (@kfcitycouncil) May 26, 2024

އަދި މި މައްސަލަ ހައްލުކުރުމަށް އެޑިއުކޭޝަން މިނިސްޓްރީން ސްކޫލްތަކުގައި ފަށާފައިވާ އުމްރާނީ ތަރައްގީގެ މަޝްރޫތަކުގެ މަސައްކަތް ހުއްޓިފައިވުމަކީ ވަރަށްބޮޑު ކަންބޮޑުވުމެއް ކަމަށެވެ.

ކުޅުދުއްފުށީގެ ސްކޫލުތަކުގައި މިއަހަރު 294 ޓީޗަރުން މަސައްކަތްކުރާނެ އެވެ. އޭގެ ތެރެއިން 41 ޓީޗަރުންނަކީ ބިދޭސީ ޓީޗަރުންނެވެ.