ފޯކައިދޫ ސްކޫލްގެ އެންމެ މޮޅު ދަރިވަރަކަށް މައީޝާ

ށ ފޯކައިދޫ ސްކޫލްގެ 2022-2023 ވަނަ އަހަރުގެ ހުރިހާގޮތަކުން އެންމެ މޮޅު ދަރިވަރުގެ މަގާމު މައީޝާ ފަހުމީ ހޯދައިފި އެވެ.

ފޯކައިދޫ ސްކޫލްގެ އިނާމުދިނުމަށް ބޭއްވި ހާއްސަ ރަސްމިއްޔާތު ޝަރަފްވެރިކޮށްދެއްވީ ށ އަތޮޅު ތައުލީމީ މަރުކަޒުގެ ޕްރިންސިޕަލް ހަސަން ޔޫސުފެވެ.

މިއަހަރުގެ އިނާމުދިނުމުގެ ރަސްމިއްޔާތުގައި އެ ސްކޫލްގެ 47 ދަރިވަރަކު އިނާމު ހާސިލްކުރި އެވެ. 2022-2023 ވަނަ އަހަރުގެ އެ ސްކޫލްގެ ފާސްވި އިންސަތަ އުޅެނީ 76 އިންސަތައިގަ އެވެ.

އިނާމުދިނުމުގެ މި ރަސްމިއްޔާތުގައި ފޯކައިދޫގައި ހުންނަ މުއައްސަސާތަކުގެ ވެރިންނާއި ދަރިވަރުން އަދި ގިނަ އަދަދެއްގެ ބެލެނިވެރިން ބައިވެރިވެލެއްވި އެވެ.