ޒަހަމްތަކަކާއެކު މަރުވެފައި އޮތް މީހަކު ހޮޅުދޫ އިން ފެނިއްޖެ

ނ ހޮޅުދޫ ގެއެއްގެ ތެރޭގައި ޒަހަމްތަކާއެކު މަރުވެފައި އޮތް މީހަކު މިއަދު ހެނދުނު ފެނިއްޖެ އެވެ.

މީޑިއާތަކަށް ފޮނުވި މެސެޖެއްގައި ފުލުހުން ބުނީ، މަރުވެފައި އޮއްވާ ފެނުނީ 50 އަހަރުގެ ދިވެހި އަންހެނެއް ކަމަށެވެ.

ފުލުހުން ބުނިގޮތުގައި ހޮޅުދޫގައި ޒަހަމްތަކަކާ އެކު، އަންހެނަކު އޮތްކަމުގެ ރިޕޯޓު މިއަދު ހެނދުނު 10:10 ގައި ލިބިގެން ފުލުހުން އެޓެންޑްވި އެވެ. އެ މީހާ ހޮޅުދޫ ހެލްތު ސެންޓަރަށް ގެންދިޔަ ނަމަވެސް އޭނާ މަރުވެފައިވާ ކަމަށް ހޮސްޕިޓަލާ ހަވާލާދީ ފުލުހުން ބުންޏެވެ.

"އެ މީހާ ނިޔާވެފައިވާ ކަމަށް ހެލްތު ސެންޓަރުން ފުލުހުންނަށް މައުލޫމާތު ދީފައިވޭ. އެކަމާ ގުޅިގެން ބަލަންޖެހޭ ކަންކަން ފުލުހުން މިދަނީ ބަލަމުން،" މީޑިއާތަކަށް ހާއްސަ ވަޓްސްއެޕް ގްރޫޕަށް ފޮނުވި މެސެޖުގައި ފުލުހުން ބުންޏެވެ.