ޒިންމާދާރުކަމާއި ތެދުވެރިކަމާއެކު ބްރޯޑްކާސްޓަރުންގެ ދައުރު އަދާކުރައްވާ: ނައިބު ރައީސް

ބްރޯޑްކާސްޓިން ހިދުމަތް ފޯރުކޮށްދިނުމުގައި ޒިމާދާރުކަމާއި ތެދުވެރިކަން އިސްކުރުން މުހިންމުކަމަށް ރައީސުލްޖުމްހޫރިއްޔާގެ ނައިބު ހުސައިން މުހައްމަދު ލަތީފް ވިދާޅުވެއްޖެ އެވެ.

ނައިބު ރައީސް މިހެން ވިދާޅުވީ އިއްޔެ ފާހަގަ ކުރި ދިވެހިރާއްޖޭގެ ބްރޯޑްކާސްޓިން ދުވަހުގެ މުނާސަބަތުގައި އެކްސްގައި ކުރެއްވި ޕޯސްޓެއްގަ އެވެ.

ނައިބު ރައީސް ހުސައިން މިހައްމަދު ލަތީފް ވިދާޅުވީ ރައްޔިތުންގެ ހޭލުންތެރިކަން އިތުރުކޮށް ގައުމު ބިނާ ކުރުމުގައި ބްރޯޑްކާސްޓަރުން އަދާކުރަނީ މުހިންމު ދައުރެއް ކަމަށެވެ.

ރައްޔިތުންގެ ހޭލުންތެރިކަން އިތުރުކޮށް ޤައުމު ބިނާކުރުމުގައި ބްރޯޑްކާސްޓަރުން އަދާކުރަނީ މުހިއްމު ދައުރެއް. މިފަދަ ޤައުމީ ޚިދުމަތެއް ފޯރުކޮށްދިނުމުގައި ޒިންމާދާރުކަމާއި ތެދުވެރިކަން އިސްކުރުން މުހިއްމު. pic.twitter.com/MBGDTcxfwB

— Hussain Mohamed Latheef (@HucenSembe) October 4, 2024

ރައްޔިތުންގެ ހޭލުންތެރިކަން އިތުރުކޮށް ޤައުމު ބިނާކުރުމުގައި ބްރޯޑްކާސްޓަރުން އަދާކުރަނީ މުހިއްމު ދައުރެއް.

މީގެ އިތުރުން މިފަދަ ގައުމީ ހިދުމަތެއް ފޯރުކޮށްދިނުމުގައި ޒިންމާދާރުކަމާއި ތެދުވެރިކަން އިސްކުރުން މުހިއްމުކަމަށް އެމަނިކުފާނު ވަނީ ފާހަގަކުރައްވާފަ އެވެ.

މިދުވަހުގެ މުނާސަބަތުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒުވެސް ވަނީ އެކްސްގައި ޕޯސްޓެއް ކުރައްވާފަ އެވެ. އެމަނިކުފާނު ވިދާޅުވީ ބްރޯޑްކާސްޓް ކުރުމުގެ ދާއިރާގެ މައިގަނޑު އަމާޒަކަށް ވާންވާނީ ރާއްޖޭގެ ހައްގުގައި ވަކާލާތު ކުރުން ކަމަށެވެ. ބްރޯޑްކާސްޓިންއަކީ ވަރަށް ބޮޑު އަމާނާތެއް އަދި ޒިންމާއެއްކަމަށް ރައީސް ވިދާޅުވި އެވެ.