ތެލެސީމިއާ ހޮސްޕިޓަލް ތަރައްގީ ކުރުމުގެ އެއްބަސްވުމުގައި ސޮއިކޮށްފި

ރާއްޖޭގައި ތެލެސީމިއާ ކުދިންނަށް ފަރުވާ ދިނުމަށް ހާއްސަކޮށްގެން ހޮސްޕިޓަލެއް އެޅުމަށް އެއްބަސްވުމެއްގައި ސޮއި ކޮށްފި އެވެ.

ހުޅުމާލޭގެ ދެވަނަ ފިޔަވަހީގައި އަޅާ މި ހޮސްޕިޓަލްގެ މަޝްރޫއު ކުރިއަށްގެންދާނީ މެލޭޝިއާގެ މެޑޯ އޭޝިއާ އާއި ޗިންހިން ގުރޫޕު ބަރުހާދު ގުޅިގެންނެވެ.

We’ve officially signed the EPC contract for the Thalassemia & Hematology Hospital in Hulhumalé—a major step toward fulfilling HEP Muizzu's vision. This powerhouse collaboration with Sinoma Industry Engineering, Medo Asia, and Chin Hin Construction Engineering. pic.twitter.com/kSWJaTphHD

— Ministry of Health (@MoHmv) October 16, 2024

ސަރުކާރުގެ ފަރާތުން އެއްބަސްވުމުގައި ސޮއި ކުރެއްވީ ހެލްތު މިނިސްޓަރު އަބްދުﷲ ނާޒިމް އިބްރާހީމް އެވެ. ޗިންގެ ފަރާތުން ސޮއިކުރެއްވީ އެ ގުރޫޕް ސީއީއޯ ރޮޖާ ލިން އެވެ. އަދި މެޑޯ އޭޝިއާގެ ފަރާތުން ސޮއި ކުރެއްވީ ސީއީއޯ އަދި އެމްޑީ ސްޓުއާޓް ޖޭ ވެނާ ޕެކް އެވެ.

މިމަޝްރޫއަށް ފައިސާ ހަމަޖައްސާފައިވަނީ ސައިނޯމާ އިންޑަސްޓްރީ އިންޖިނިއަރިންގެ ފަރާތުންނެވެ.

މިރަސްމިއްޔާތުގައި ވަނީ ތިން ބުރީގެ މި ހޮސްޕިޓަލްގެ ކުރެހުމެއް ވީޑިއޯއެއްގެ ގޮތުގައި ދައްކާލާފަ އެވެ. ވީޑިއޯ އިން ދެއްކި ގޮތުގައި އިމާރާތުގެ އެންމެ ތިރީގައި ހުންނާނީ އިމަޖެންސީ ރޫމާއި ކުޑަކުދިން ކުޅޭ ސަަރަހައްދަކާއި ކެންޓީނެކެވެ.

މީގެއިތުރުން މި ހޮސްޕިޓަލްގައި ބްލަޑް އަދި އޯގަން ޓްރާންސްޕްލާންޓް ޔުނިޓަކާއި ބްލަޑް ޓްރާންސްފިއުޝަން ޔުނިޓަކާއި ލެބޯޓަރީއާއި ރޭޑިއޮލޮޖީ ޑިޕާޓްމެންޓެއްވެސް ހެދުމަށް ހަމަޖެހިފައިވެ އެވެ.

ރިޔާސީ އިންތިހާބުގެ ކެމްޕޭން ރައީސް ޑރ. މުހައްމަދު މުއިއްޒު ވަނީ ރާއްޖޭގައި ތެލެސީމިއާ ކުދިންނަށް ފަރުވާ ދިނުމަށް ހާއްސަ ހޮސްޕިޓަލެއް އެޅުމަށް ވައުދުވެވަޑައިގެންފަ އެވެ.