އަންނަ އަހަރުގެ ބަޖެޓް ހުށަހަޅާފައިވާ ގޮތުން ރަށްތައް ވަރަށް ބޮޑަށް ނިކަމެތިވެގެންދާނެ: އަމީން

އަންނަ އަހަރަށް ލަފާކޮށް ސަރުކާރުން ހުށަހެޅި ބޮޑު ބަޖެޓްގައި ކައުންސިލްތަކަށް ދޭ ބްލޮކް ގްރާންޓުން ބޮޑު ބައެއް މަދުކޮށްލައިފި އެވެ. އަންނަ އަހަރަށް ލަފާކޮށް ސަރުކާރުން ހުށަހަޅާފައިވަނީ ޖުމްލަ 56.6 ބިލިއަން ރުފިޔާގެ ރެކޯޑު ބަޖެޓެކެވެ.

މިސަރުކާރު އައިފަހުން ކައުންސިލުންތައް ނިކަމެތިކޮށް ބާރު ކަނޑުވާލައި އަތޮޅުތެރެ ނިކަމެތިކުރުމަށް ދަނީ ކެނޑި ނޭޅި މަސައްކަތްކުރަމުންނެވެ.

ކައުންސިލްތަކަށް ދޭ ބްލޮކް ގްރާންޓް ކުޑަކުރުމުގެ ސަބަބުން އެކަމާ ކަންބޮޑުވުންފާޅުކޮށް ކުމުންދޫ ކައުންސިލްގެ ރައީސް އަމީން މުހައްމަދު ވިދާޅުވީ، 2025 ގެ ބަޖެޓް ހުށަހަޅާފައިވާ ގޮތުން ރާއްޖޭގެ ރަށްތައް ވަރަށް ބޮޑަށް ނިކަމެތިވެގެންދާނެ ކަމާއި ކައުންސިލްތަކުގެ ބަޖެޓުން 33 އިންސަތަ އުނިކޮށްފައިވާ ކަމަށެވެ.

ކައުންސިލްތަކުގެ ދައުރު ފެށުނީންސުރެއް ކައުންސިލްގައި މަސައްކަތްކުރަމުންއަންނަ އަމީންއަކީ މިސަރުކާރު ގެނައުމުގައި މަސައްކަތްކުރެއްވި ބޭފުޅެކެވެ.

ރައްޔިތުންގެ މަޖިލީހުގެ ހުޅުމާލޭ ދާއިރާގެ ކުރީގެ މެންބަރު އަލީ ނިޔާޒް ސޯޝަލް މީޑިއާގައި ކުރެއްވި ޕޯސްޓެއްގައި ވިދާޅުވީ، އަލުން ބަލުން ބަޖެޓް އެކުލަވާލިއިރު އެންމެ ބޮޑު ނިކަމެތިކަމެއް ލިބެނީ ކައުންސިލްތަކަށާއި އެއީ ލާމަރުކަޒީ ނިޒާމު ބަލިކޮށިކޮށްލަން އެޅި ފުރަތަމަ ފިޔަވަޅު ކަމަށެވެ.

ކައުންސިލްތައް މާލީ ގޮތުން ބާރުވެރި ކުރުމަށް ދައުލަތުން މިދިޔަ 5 އަހަރު ދިން އަދަދަށް ވުރެ މަދު އަދަދެއް މި ފަހަރު ބަޖެޓް ގަ ޖަހާފަ އެއޮތީ އޮޅުމަކުންތޯ؟ ޖުމްލަ ބަޖެޓް އަދަދު ބޮޑުވާ ވަރަކަށް 5% އިން ލިބޭ ބައިވެސް އިތުރު ވާންޖެހޭނެ ނޫންތޯ. އެޓޮލް މިނިސްޓްރީ އަށް ބައެއް އެޅީތޯ؟ pic.twitter.com/lbB5rjhoij

— Ali Niyaz 🎈 (@ali_niya) November 1, 2024

ކައުންސިލްތަކުގެ ބްލޮކް ގްރާންޓްގެ ގޮތުގައި މިއަންނަ އަހަރަށް ބަޖެޓްގައި ހިމަނާފައިވަނީ އެންމެ 1.4 ބިލިއަން ރުފިޔާ އެވެ. މިއަހަރު ކައުންސިލްތަކުގެ ބްލޮކް ގްރާންޓްގެ 2.2 ބިލިއަން ރުފިޔާ ހިމެނި އެވެ.

ކައުންސިލްތައް މާލީ ގޮތުން ބާރުވެރިކުރުމަށް ދައުލަތުން މިދިޔަ 5 އަހަރު ދިން އަދަދަށްވުރެ މަދު އަދަދެއް އަންނަ އަހަރު ބަޖެޓްގައި ހިމެނީ އޮޅުމަކުން ތޯ ނިޔާޒު ވަނީ ސުވާލުކުރައްވާފަ އެވެ.

އަލުން ބަލުން ބަޖެޓް އެކުލަވާލިއިރު އެންމެ ބޮޑު ނިކަމެތި ކަމެއް މި ލިބެނީ ކައުންސިލްތަކަށް. ލާމަރުކަޒީ ނިޒާމު ބަލިކަށި ކޮށްލަން އެޅި ފުރަތަމަ ފިޔަވަޅު. މަރުހަބާ! އެޓޮލް މިނިސްޓްރީ @lgaMaldives @MoCLPmv https://t.co/Y90MSeFCoH pic.twitter.com/PF94fdtnZO

— Ali Niyaz 🎈 (@ali_niya) November 1, 2024

ކައުންސިލްތަކަށް ބްލޮކް ގްރާންޓް ދޭން ފެށުމުން ގިނަ ރަށްތަކެއްގައި ތަރައްގީގެ އެކި މަޝްރޫއުތައް މިދިޔަ ފަސް އަހަރު ހިންގި އެވެ. އެކަމުގެ ސަބަބުން ރަށްރަށް އާރޯކަން ލިބިގެންދިޔަ އެވެ.

މިކަމާ ގުޅިގެން ގިނަ ކައުންސިލްތަކުން އަންނަނީ ކަންބޮޑުވުންފާޅުކުރަމުންނެވެ. އެކަމަކު ރައީސް ޑރ މުހައްމަދު މުއިއްޒު ރިޔާސީ ކެމްޕެއިންގައި ވިދާޅުވެފައިވަނީ ކައުންސިލްތައް މިހާރަށްވުރެ ބާރުވެރިކުރުވާނެ ކަމަށެވެ.