އީދު ދުވަހު 10 ޖަހާއިރު އޮނުބަޑި ޖެހުން ކުރިއަށްދާނެ އެވެ. އެދުވަހުގެ ހަވީރު 16:15 ގައި ބަންދު ދުއްވުން އޮންނައިރު 16:30 ރާނީ ހިނގުން ކުރިއަށްދާނެ އެވެ. އަދި މީގެ އިތުރުން 17:00 އަށް މިސްގާލް ގުރޫޕްގެ ނަމުރު ކުރިއަށްދާނެ އެވެ.

އީދު ދުވަހުގެ ރޭ ހަވާ އެރުވުމުގެ ހަރަކާތް ވެލިގަނޑު ސަރަހައްދުގައި އޮންނައިރު 21:00 ގައި ސްޓޭޖް ޝޯ ކުރިއަށްދާނެ އެވެ.

ދެވަނަ އީދު ދުވަހުގެ ކުޅިވަރުތަކަށް ބަލާއިރު ފޯރިގަދަ މަށިމާލި ޕެރޭޑް އޮންނާނީ އެ ދުވަހުގެ ހަވީރު އެވެ. އަމީނީމަގުގައި ކުރިއަށްދާ މި ޕެރޭޑް ފެށޭނީ ހަވީރު 4:00 ގަ އެވެ.

ތިންވަނަ އީދު ދުވަހު އަންހެނުންގެ ކޯޑި 14:00 ގައި ކުރިއަށްދާއިރު 16:00 ގައި ނޯ ލީކް މީޑިއާ ހަރަކާތްތައްވެސް އަމީނީމަގުގެ އެކި ސަރަހައްދުގައި ކުރިއަށްދާނެ އެވެ. ހަވީރު 16:15 ގައި ބޮޑު ފައިވާނުގައި ހިނގުން އޮންނައިރު އެ ދުވަހު ހަވީރު 16:15 ގައި ސްޓޭޖް ސަރަހައްދުގައި ކުޑަކުދިންނަށް ހާއްސަ ސްޓޭޖް ޝޯއެއްވެސް އޮންނާނެ އެވެ. އެ ދުވަހުވެސް އެންމެ ފަހު ހަރަކާތެއްގެ ގޮތުގައި ކުރިއަށްދާ ސްޓޭޖް ޝޯ އެވެ. އެ ޝޯ ފެށޭނީ 21:00 ގަ އެވެ.

ކުޅުދުއްފުށީގައި އީދު ނިންމާ ހަތަރުވަނަ ދުވަހުވެސް ކުޅިވަރު ކުރިއަށްދާނެ އެވެ. އެގޮތުން އެދުވަހުގެ ހަވީރު ހިއްޗަށް ވަޑައިގަތުން އޮންނައިރު ރޭގަނޑު ދަމުހިނގުން ކުރިއަށްދާނެ އެވެ.

މި ކުޅިވަރުތައް ކުރިއަށްދާއިރު ފިރިހެނުންގެ ދައްޕާއި އަންހެނުންގެ ދަފި ނެގުން ރަށުގެ އެކި ސަރަހައްދުތަކުގައި ކުރިއަށްދާނެ އެވެ.

ޒަމާނުންސުރެ ކުޅުދުއްފުށީގައި ބޮޑުއީދުގެ ކުޅިވަރު ކުޅެމުން އަންނަނީ ރައްޔިތުންގެ އިސްނެގުމާއެކު ރައްޔިތުންގެ ވަރަށް ބޮޑު އެއްބާރުލުމެއް ލިބިގެންނެވެ.

އިތުރު ލިޔުންތައް

ކުޅުދުއްފުށި ސިޓީ

ބޮޑު އީދު

މިލިޔުމާއި ގުޅޭ