ކުޅުދުއްފުށީ ސިޓީގައި އިސްލާމީ މަރުކަޒެއްގެ އިތުރުން ސިޓީ ހޮޓަލެއް ގާއިމު ކުރުމުގެ މަޝްރޫއު ރައީސް ޑރ. މުހައްމަދު މުއިއްޒު މިރޭ އިއުލާން ކުރައްވައިފި އެވެ.
ކުޅުދުއްފުށީގައި މިރޭ ބޭއްވި ޖަލްސާގައި ރައީސް ވިދާޅުވީ އިސްލާމީ މަރުކަޒެއް އެ ރަށުގައި އެޅުމުގެ މަސައްކަތް އަންނަ އަހަރު ކުރިއަށް ގެންދާނެ ކަމަށެވެ.
އޭގެ އިތުރުން ކުޅުދުއްފުށީ އެއާޕޯޓާ އިންވެގެން އޮތް ބިމުން އިގުތިސޯދީ ފައިދާ ނެގޭނެ ގޮތް ހެދުމަށް އެ ތަނުގައި ސިޓީ ހޮޓަލެއް ގާއިމުކުރަން ނިންމާފައިވާ ކަމަށް ރައީސް ވިދާޅުވި އެވެ.
ރައީސް ވިދާޅުވި ގޮތުގައި އެ ބިމުގައި އިންވެސްޓްކުރުމުގެ ފުރުސަތު ކައުންސިލުން އިކޮނޮމިކް މިނިސްޓްރީއަށް ފަހިކޮށްދޭހާ އަވަހަކަށް އެ ތަނުގައި ސިޓީ ހޮޓަލެއް އެޅުމަށް ހުޅުވާލާނެ އެވެ.
ސިޓީ ހޮޓަލެއް އަޅަން ސަރުކާރުން ނިންމި ބިމަކީ ކުޅުދުއްފުށީގެ ކުޅީގެ ބައެކެވެ. އެ ތަން މިހާރު އޮތީ އެއްވެސް ބޭނުމެއް ނުކުރެވި، އާންމުންނަށް ވެސް ބަންދުކޮށްފަ އެވެ.
ކުޅުދުއްފުއްޓާ ޖެހިގެން އޮތް ހދ. ކޭލަކުނުގައި އީކޯ ޓޫރިޒަމްގެ ގާއިމް ކުރުމުގެ މަޝްރޫއު ވެސް ކުރިއަށް ގެންދާނެ ކަމަށް ރައީސް ވިދާޅުވި އެވެ. އެ މަޝްރޫއު ވާނީ އެމްޓީޑީސީއާ ހަވާލުކޮށްފައި ކަމަށާއި އެ ތަނުގެ ޑިޒައިން ވެސް ނިންމާފައިވާ ކަމަށް ރައީސް ވިދާޅުވި އެވެ.
އެ މަޝްރޫއުގެ ފައިނޭންސިން ވެސް ވަނީ އެމްޓީޑީސީން އަމިއްލައަށް ހަމަޖައްސާފައި ކަން ރައީސް ފާހަގަކުރެއްވި އެވެ. ކުޅުދުއްފުށީގައި އިސްލާމިކް މައުރަޒަކާއި އިސްލާމީ ޔުނިވާސިޓީގެ ގޮޕެއް ގާއިމުކޮށްދިނުމަށް އިސްލާމިކް މިނިސްޓްރީއާ ބައްދަލުކުރައްވައި މޭޔަރު މުހައްމަދު އާތިފުވެސް ވަނީ އެދިވަޑައިގަންނަވާފަ އެވެ.
ވިލާކޮލެޖު ކުޅުދުއްފުށީ ކެމްޕަހުގައި ސެޓްފިކެޓް 3 އިން އިލެކްޓްރިކަލް އިންސްޓޮލޭޝަން އެންޑް މެއިންޓަނެންސް ކިޔެވުމުގެ ފުރުސަތު
ގާނޫނީ ބަދަލާއެކު ތެލާއި ގޭހުގެ ބިން ކުއްޔަށް ނުދެވި ކުޅުދުއްފުއްޓަށް ބޮޑު ގެއްލުމެއް
ބީއެމްއެލް ބިޒްނަސް ސެންޓަރު ބިމަށް ފިނޭންސުން ހުއްދަދީފި
ކުޅުދުއްފުށީ ލޯކަލް އޮތޯރިޓީ ކުންފުނީގެ މެނޭޖިންގ ޑިރެކްޓަރުގެ މަގާމަށް ހުޅުވާލައިފި
