“ތިލަދެކުނު ޝަރަފްވެރިކަމުގެ އިނާމު” ހދ. އަތޮޅު ކައުންސިލުން ތައާރަފްކޮށްފި

ހދ. އަތޮޅު ކައުންސިލުން “ތިލަދެކުނު ޝަރަފްވެރި ކަމުގެ އިނާމު”ގެ އިނާމުގެ ނަމުގައި ތައާރަފްކޮށްފި އެވެ.

މިއީ ހދ.އަތޮޅުގައި ޝަރަފުވެރިކަމުގެ އިނާމެއް ތައާރަފްކޮށް އިނާމް ދޭ ފުރަތަމަ ފަހަރުކަން ފާހަގަކޮށްލެވެ އެވެ.

ހދ.އަތޮޅަށް ޝަރަފުވެރި ވަނަތަކާއި މަޤާމުތައް ހޯދައި ފަރާތްތަކަށާއި ތަފާތު ދާއިރާތަކުން ހދ އަތޮޅަށް ފާހަގަކުރެވޭ ހިދުމަތްތައް ކޮށްދީފައިވާ ފަރާތްތައް ފާހަގަކޮށް، އެފަރާތަކުގެ އަގު ވަޒަންކޮށް ހިތްވަރުދިނުމުގެ ގޮތުން ދިނުމަށް ތައާރަފްކުރި އިނާމެއް ކަމަށް ކައުންސިލުން ބުނެ އެވެ.

ހދ.އަތޮޅު ސްކޫލްތަކުގައި ކިޔަވައި ދަރިވަރުން ސްކޫލް ދައުރުގައި ތައުލީމީ ރޮނގުން ހޯދައި ކާމިޔާބީތައް ފާހަގަކޮށް މަތީ ވަނަތައް ހާސިލުކުރާ ދަރިވަރުންނަށާއި އެ ދަރިވަރުންނަށް އެހީތެރިވި އެދުރުންގެ ހިދުމަތުގެ އަގު ވަޒަންކޮށް ޝަރަފުވެރިކަމުގެ އިނާމުދިނުމަށް އިނާމު ދިނުމުގެ ސިޔާސަތުގައި ވެއެވެ.

އަދި މީގެއިތުރުން އެކި ދާއިރާތަކުން ހދ.އަތޮޅަށް އަގުހުރި ހިދުމަތްތައް ކޮށްފައިވާ ހިދުމަތްތެރިން ފާހަގަކޮށް އެފަރާތްތަކަށް ވެސް ހިތްވަރު ދިނުމުގެ އިނާމް ދިނުމަށް ކައުންސިލުން ވަނީ ނިންމާފައެވެ.

ކައުންސިލުން ބުނީ މިއަހަރުގެ އިނާމު ދިނުމުގެ ހަފުލާ ނޮވެމްބަރު މަހުގެ ތެރޭގައި ބޭއްވުމަށް ވަނީ ނިންމާފައެވެ..