އިހްތިރާމް އަދާކުރުމުގެ ގައުމީ މަޝްރޫއުގެ ވިލަރެސް ކޮމިޓީ އެކުލަވާލައިފި

އިހްތިރާމް އަދާކުރުމުގެ ގައުމީ މަޝްރޫއުގެ ވިލަރެސް ކޮމިޓީ އެކުލަވާލައި ފުރަތަމަ ބައްދަލުވުން ބާއްވައިފިއެވެ. މި ބައްދަލުވުން ކުރިއަށް ދިޔައީ ފަންނާއި ސަގާފަތާއު ތަރިކައާ ބެހޭ ވުޒާރާގައެވެ.

އިހްތިރާމް އަދާކުރުމުގެ ގައުމީ މަޝްރޫއު ކުރިއަށް ގެންދިޔުމަށްޓަކައި ރައީސްގެ ހާއްސަ ވިލަރެސް ކޮމިޓީއެއް އެކުލަވާލައި، އެ ކޮމިޓީގެ އިރުޝާދުގެ ދަށުން ފުރަތަމަ ބައްދަލުވުން އިއްޔެ ބާއްވައިފައިވާއިރު، މި ކެމްޕެއިން ފެށުމަށްޓަކައި ވާން ޖެހޭ އެންމެ ފަހުގެ ތައްޔާރީތައް ވުޒާރާގެ ފަރާތުން މިހާރު ދަނީ ވަމުޖންނެވެ

މި މަޝްރޫއުގެ ކަންކަން ވިލަރެސްކޮށް، ހިންގުން ހަރުދަނާކުރުމަށްޓަކައި އެކުލަވާލާފައިވާ މި ކޮމިޓީގައި ކަމާގުޅުންހުރި ވުޒާރާތަކާއި މުއައްސަސާތައް ހިމެނޭހެން ޖުމްލަ 9 މެންބަރުން ހިމެނެއެވެ.

ވިލަރެސް ކޮމިޓީގައި ހިމެނޭ ބޭފުޅުން:

• ފަންނާ ސަޤާފަތާއި ތަރިކައާ ބެހޭ ވުޒާރާ – އިބްރާހީމް ސޮބާހް
• ދާޚިލީ ސަލާމަތާ ފަންނިއްޔާތާ ބެހޭ ވުޒާރާ – ނަސްރީނާ އިދްރީސް
• ދިފާޢީ އަދި ވަޠަނީ ޚިދުމަތްތަކާ ބެހޭ ވުޒާރާ – ޢަލީ ފަހުމީ
• ތަޢުލީމާ މަތީ ތަޢުލީމާއި ހުނަރުތައް ތަރައްޤީކުރުމާ ބެހޭ ވުޒާރާ – މުޙައްމަދު ނާތީމް
• މާލީ ކަންކަމާއި ސަރުކާރު ކުންފުނިތަކާ ބެހޭ ވުޒާރާ - އަޙްމަދު އައިމަން
• ސިއްޙަތާއި ޢައިލާއާއި އިޖުތިމާޢީ އެހީއާއި ބެހޭ ވުޒާރާ – މަރްޔަމް ލަހުފާ ޚަލީލް
• އިސްލާމީކަންތައްތަކާ ބެހޭ ވުޒާރާ – އައްޝައިޚް އަޙްމަދު ފަހުމީ ދީދީ
• ޒުވާނުން ބާރުވެރިކުރުވުމާއި ކުޅިވަރާއި ހަށިހެޔޮކަމާ ބެހޭ ވުޒާރާ – ޝާދިޔާ އަޙްމަދު
• ޕަބްލިކް ސާވިސް މީޑިއާ – އިބްރާހީމް އިޤްބާލް

އެ މިނިސްޓްރީން ބުނީ އިއްޔެ ބޭއްވި އެ ކޮމިޓީގެ ފުރަތަމަ ބައްދަލުވުމުގައި، އިހްތިރާމް އަދާކުރުމުގެ ގައުމީ މަޝްރޫއު ކުރިއަށްގެންދަން ރޭވިފައިވާ ގޮތްތަކާއި، މި މަޝްރޫއުގައި ކޮމިޓީން އަދާކުރާނެ ދައުރާ ގުޅޭގޮތުން ފުޅާ ދާއިރާއެއްގައި މަޝްވަރާކޮށްފައިވާ ކަމަށެވެ. އަދި މި މަޝްރޫއު އެންމެ ފުރިހަމަ ގޮތުގައި ކުރިއަށް ގެންދިއުމަށްޓަކައި އަޅަންޖެހޭ ފިޔަވަޅުތަކާއި، ކަމާގުޅޭ އިދާރާތައް ގުޅިގެން މަސައްކަތްތައް ރޭވުމާ ގުޅޭގޮތުން ވެސް ވަނީ ބަދަލުކުރައްވާފައިވާ ކަމަށްވެސް ވިދާޅުވިއެވެ.