ހިރަފުސް ޔޫތު ޗެމްޕިއަންޝިޕްގައި ބައިވެރިވުމުގެ ފުރުސަތު ހުޅުވާލައިފި އެވެ.
23 އަހަރުން ދަށުގެ ކުޅުންތެރިންނަށް އަމާޒު ކޮށްގެން ބޭއްވޭ މި މުބާރާތް ބޭއްވުމަށް ހަމަޖެހިފައިވަނީ މަދުވެގެން 4 ޓީމު މުބާރާތުގައި ބައިވެރިވެއްޖެނަމަ އެވެ. މި މުބާރާތް ބޭއްވުމަށް ހަމަޖެހިފައިވާ ތާރީހަކީ 1 ޑިސެންބަރު 2016 އެވެ.
މުބާރާތުގައި ކުޅުންތެރިއެއްގެ ގޮތަށް ރެޖިސްޓާ ވެވޭނީ 1 ޖެނުއަރީ 2016 އަށް 23 އަހަރު ފުރިފައި ނުވާ ކުޅުންތެރިންނަށެވެ.
މި މުބާރާތް ހިރަފުސް ދަނޑުގައި ބޭއްވުމަށް ހަމަޖެހިފައިވާއިރު ބައިވެރިވުމަށް އެއްވެސް ފީއެއް ދައްކާކަށް ނުޖެހޭނެ އެވެ. ޗެމްޕިއަން ޓީމަށް ޓްރޮފީއާއި މެޑަލް ދިނުމަށް ހަމަޖެހިފައިވާ މި މުބާރާތުގައި ދިނުމަށް ހަމަޖެހިފައިވާ ފައިސާގެ އިނާމުތަކަށް ގޮތެއް އަދި ނުނިންމާ ކަމަށް ހިރަފުސްގެ ފަރާތުން ވާހަކަ ދައްކަމުން ހިރަފުސްގެ ރައީސް މުހައްމަދު ހަސަން (ޕޯޓޭ) ހާމަކުރި އެވެ. ނަމަވެސް މުބާރާތަށް ލިބޭ ތަރުހީބަށް ބަލައި އިނާމުތައް ކަނޑައެޅޭނެ ކަމަށް ހާމަކުރި އެވެ.
މުބާރާތުގައި ބައިވެރިވާ ކޮންމެ ޓީމެއްގައިވެސް 18 ކުޅުންތެރިންނާއި 5 އޮފިޝަލުން ހިމެނޭނެ އެވެ.
މި މުބާރާތަކީ 23 އަހަރުން ދަށުގެ ކުޅުންތެރިންނަށް 11 އަ ސައިޑް މުބާރާތެއް ކުޅުމުގެ ފުރުސަތު ހޯދާދިނުމުގެ ގޮތުން ބޭއްވޭ މުބާރާތެކެވެ. އެންމެ ފަހުން ކުޅުދުއްފުށީގައި 23 އަހަރުން ދަށުގެ މުބާރާތެއް ބޭއްވުނީ 2008 ވަނަ އަހަރު އެވެ.
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
