ޤައުމީ ނެޓްބޯޅަ މުބާރާތުގައި މިއަދު ކޭވައިއާރްސީ ކުޅުނު މެޗުން ތަފާތު ބޮޑުކޮށް މޮޅުވެ ސެމީއަށް ދަތުރުކޮށްފި

ޤައުމީ ނެޓްބޯޅަ މުބާރާތުގައި މިއަދު ކޭވައިއާރްސީ ކުޅުނު މެޗުން ތަފާތު ބޮޑުކޮށް މޮޅުވެ ސެމީއަށް ދަތުރުކޮށްފި އެވެ.

މިއަދު ކޭވައިއާރްސީ ކުޅުނު މެޗުގައި ކްލަބް އޯލް ސްޓާގެ މައްޗަށް ކޭވައިއާރްސީ ކުރި ހޯދީ 91-17 އިންނެވެ.

މިއަދުގެ މެޗުގެ މޮޅު ކުޅުންތެރިޔަކަށް ހޮވިފައިވަނީ ކޭވައިއާރްސީގެ ރާޝިދާ މޫސާ އެވެ. މިއީ ރާޝިދާ މި މުބާރާތުގައި މޮޅު ކުޅުންތެރިޔާގެ މަޤާމު ހޯދި ދެވަނަ މެޗެވެ.

މި މުބާރާތުގެ ގުރޫޕް ސްޓޭޖްގައި ކޭވައިއާރްސީ ކުޅުނު 4 މެޗުގެ ތެރެއިން 3 މެޗު ވަނީ ކާމިޔާބުކޮށްފަ އެވެ.

މި މުބާރާތުގެ ސެމީ ފައިނަލްގައި ކޭވައިއާރްސީ ކުޅޭ މެޗު އޮންނާނީ 4 ޑިސެންބަރު 2016 ދުވަހުގެ ރޭ 2000 ގައި ޒުވާނުންގެ މަރުކަޒު އެތެރޭ ކޯޓުގަ އެވެ.