އިބްރާހިމް ހަމީދު
ކުޅުދުއްފުށީގައި ހުންނަ ހދ. އަތޮޅު ތަޢުލީމީ މަރުކަޒުގެ ކިޔަވާ ކުދިންގެ ގުޅުން ޖަމިއްޔާ މިއަހަރަށް، އިފްތިތާހު ކުރުމަށް އިއްޔެ ހަވީރު އެސްކޫލުގެ ހޯލުގައި ހާއްސަ ޖަލްސާއެއް ބާއްވައިފިއެވެ. ހދ. އަތޮޅު ތައުލީމީ މަރުކަޒުގެ ޕީޓީއޭގެ ނައިބް ރައިސާ އައިމިނަތު ގާސިމް ޝަރަފްވެރިކޮށްދެއްވިމިޖަލްސާ ފެށިގެން ދިޔައީ ޖަމްއިއްޔާގެ ނައިބު ރައީސް އަހްމަދު އިބްރާހިމްގެ ގުރުއާންކިޔެވުމުންނެވެ.
މިޖަލްސާގައި ޝަރަފްވެރި މެހެމާނާ ދެއްކެވި ވާހަކައިގައި ކީރިތި ރަސޫލާގެ އީދުމީލާދީ ދުވަހަކީ ކޮންމެ ކިޔަވާ ކުއްޖަކު ދަސްކުރަން ޖެހޭނެ ދުވަހެއްކަމަށާއި އެއީ އިންސާނާ އުޅެންވީގޮތާއި ނޫޅެންވީ ގޮތާއި ކުރަންވީ ކަންތައްތަކާއި ނުކުރަންވީ ކަންތައްތައް ވަރަށް ރަގަޅަށް އިސްލާމީ އުއްމަތަށް ދެއްކެވީ ކީރިތި ރަސޫލާ ކަމަށް ވާތީ އެދުވަސް ވަރަށް ރަނގަޅަށް އެގެންޖެހޭނެކަމަށެވެ. އަދި ކޮންމެ ކިޔަވާ ކުއްޖެއްވެސް އަދި ކޮންމެ ބެލެނިވެރިއެއް ވެސް، އަދި ޓީޗަރުންވެސް އެކަލޭގެފާނުގެ ނަމޫނާ ނަގައިގެން އަމަލުތައް ސީދާމަގަށް ގެންދިއުމަށް އާއަޒުމްތަކެއް ކަނޑައަޅަން ޖެހޭނެކަމަށް ނަސޭހަތްތެރިވިއެވެ.
މިޖަލްސާގައި އަލަށް މިއަހަރު މިޖަމްއިއްޔާގެ ޓެގްކޮޅު ލިބުނު ކުދިންނަށް ޓެގުކޮޅު ހަވާލު ކޮށްދެއްވީ ޝަރަފްވެރި މެހެމާނާއެވެ.
މިޖަލްސާގައި ކީރިތިރަސޫލާގެ އީދުމީލާދީ ދުވަހާއި ގުޅޭ ގޮތުން އެސްކޫލުގެ އިސްލާމް މުދައްރިސް އާދަމް ހުސެއިންވެސް ވާހަކަ ދެއްކިއެވެ. އަދި ޖަލްސާގައި އެސްކޫލުގެ ޕްރިންސިޕަލް އިބްރާހިމް މުހައްމަދުވެސް ވާހަކަ ދެއްކިއެވެ.
މިޖަލްސާގައި އެޖަމިއްޔާގެ ކުދިން ދުވަހާއި ގުޅޭގޮތުން ތައްޔާރު ކޮށްފައިވާ މަދަހެއްވެސް ހުށަހަޅައި ދިނެވެ. މިޖަލްސާގައި ކުޅުދުއްފުށީ އަފީފުއްދީން ސްކޫލާއި ޖަލާލުއްދީން ސްކޫލުގެ ސީނިއަރ ދަރިވަރުން ބައިވެރިވެފައި ވެއެވެ.
[fpg id=”1297804984_514x598_Kiyavaa-kudhinge-Gulhun.xml”]
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
އުރީދުގެ ހާއްސަ އާންމު ޖަލްސާ އަންނަ މަހު ބާއްވަނީ
