އިބްރާހިމް ހަމީދު
ވިކްޓަރީ ސްޕޯޓްސް ކުލަބަށް 40 އަހަރު ފުރުމުގެ މުނާސަބާ ފާހަގަ ކުރުމުގެ ގޮތުން ކުޅުދުއްފުއްޓަށް ޒިޔާރަތްކުރި ވިކްޓަރީ ޓީމު މިއަދު ކުޅުނު އެކުވެރިކަމުގެ އެންމެފަހު މެޗްގައި ހަނިމާދޫ ފުޓުބޯޅަ ޓީމާއި ބައްދަލުކޮށް 06 ލަނޑު 00 ލަނޑުން މެޗް ކާމިޔާބު ކޮށްފިއެވެ. މިމެޗްގެ އެންމެމޮޅު ކުޅުންތެރިޔާގެ މަގާމަށް ހޮވުނީ ވިކްޓަރީ ޓީމްގެ ޖޯޒީ ނަމްބަރު 23 އިބްރާހިމްފަޒީލެވެ. މިއަދު ހަވީރު ކުޅުދުއްފުށީ ޒޯން ސްޓޭޑިއަމްގައި ކުޅެވުނު މިމެޗް ޝަރަފްވެރި ކޮށްދެއްވީ ކުޅުދުއްފުށީގެ ކުޅިވަރު ހަރަކާތްތައް ކުރިއެރުވުމަށް ވަރަށް ގިނަދުވަހު އަގުހުރި ހިދުމަތްތަކެއް ކޮށްދެއްވާފައިވާ ބޭފުޅެއް ކަމަށްވާ އާދަމް އިސްމާއީލެވެ.
މިއަދު ކުޅެވުނު އެންމެ ފަހު މެޗަށްފަހު ކުޅުދުއްފުށީ އޮންލައިނަށް މައުލޫމާތު ދެއްވަމުން ވިކްޓަރީގެ ކޯޗް ސުޒޭން ވިދާޅުވީ ކުޅުދުއްފުށިން ވިކްޓަރީ ޓީމާ ދޭތެރޭ ބެހެއްޓެވި މެހެމާންދާރީ ވަރަށް އުފަލާއި ހިތްހަމަޖެހުމާއިއެކު ވިކްޓަރީން ބަލައިގަންނަކަމަށެވެ. އަދި މިއީ ވިކްޓަރީއަށް ކުރެވުނު ވަރަށް ބޮޑު ތަޖްރިބާއެއްކަމަށާއި މިރަށުގައި އެކުވެރިކަމާއެކު މިމެޗްތައް ކުޅެވުނިތީ ވަރަށް އުފާކުރާކަމަށް ސުޒޭން ވިދާޅުވިއެވެ.
ޓީމްތަކާ ބެހޭގޮތުން ސުޒޭން ވިދާޅުވީ ޓީމްތަކުގައި ރަނގަޅު ކުދިން ތިބިކަމަށެވެ. އަދި އެކުވެރިކަމާއެކު ކުޅުދުއްފުށީގައި މިކުޅެވުނު މެޗްތަކަކީ އެކުޅުންތެރިންނާ އެކުވެރިކަން ބަދަހިކޮށް ގުޅުން ރަގަޅު ކޮށްލުމުގެ ގޮތުން ކުޅެވުނު މެޗްތަކެއްކަމަށެވެ.
ވިކްޓަރީގެ ހަރަކާތްތަކުގެ ތެރެއިން ކުޑަކުދިންނަށް އަމާޒްކޮށްގެން އިއްޔެ ހަވީރު ޒޯންސްޓޭޑިއަމްގައި ކުޑަކުދިންގެ ހަވީރެއްވަނީ ބާއްވާފައެވެ.
މިރޭގެ ވަގުތެއްގައި ވިކްޓަރީ ޓީމް ކުޅުދުއްފުށިން ވަނީ ފުރާފައެވެ.
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
އުރީދުގެ ހާއްސަ އާންމު ޖަލްސާ އަންނަ މަހު ބާއްވަނީ
