ކުޅުދުއްފުށީ ބަނދަރުގައި ބެހެއްޓި ވޯޓަރ ކިއޮސްކުގެ ހިދުމަތް ރައީސުލްޖުމްހުރިއްޔާ ފައްޓަވައި ދެއްވައިފި

Apr 9, 2011

އިބްރާހިމް ހަމީދު

ކުޅުދުއްފުށީ ބަނދަރުގައި އެމްޑަބްލިޔުއެސްސީން ބެހެއްޓި ވޯޓަރ ކިއޮސްކުގެ ހިދުމަތް ރައީސުލްޖުމްހުރިއްޔާ މުހައްމަދު ނަޝީދު ފައްޓަވައި ދެއްވައިފިއެވެ.

ރައީސުލްޖުމްހޫރިއްޔާ މުހައްމަދު ނަޝީދު އެހިދުމަތް ރަސްމީކޮށް ފައްޓަވައި ދެއްވީ މިހާރު އެމަނިކުފާނު ތިލަދުންމަތީގެ ބައެއްރަށްރަށަށް ކުރައްވާ ރަސްމީ ދަތުރުފުޅުގައި އިއްޔެ ހަވީރު ކުޅުދުއްފުއްޓަށް ވަޑައިގެންފައެވެ.

ކުޅުދުއްފުށީގައި ފެނުގެ ހިދުމަތް ދެއްވަމުން ގެންދަވާ އެމްޑަބުލިޔުއެސްސީން ކުޅުދުއްފުށީ އޮންލައިނަށް މައުލޫމާތު ދެއްވަމުން މެނޭޖަރ ކަސްޓަމަރ ސާރވިސް މުހައްމަދު ފަޒީލް ރަޝީދު ވިދާޅުވީ ބޭރުރަށްރަށަށް ފެންގެންދެވޭނެ ގޮތަށް މާލެއެކޭ އެއްއުސޫލުން އިއްޔެއިން ފެށިގެން ކުޅުދުއްފުށީ ލޯކަލް ބަނދަރުގައި ރައީސުލްޖުމްހޫރިއްޔާ މުހައްމަދު ނަޝީދު އެފައްޓަވައި ދެއްވި ވޯޓަރ ކިއޮސްކުގެ ހިދުމަތް ލިބިގެންދާނެކަމަށެވެ.

މިގޮތުން ފެން ޓަނެއް 100 ރުފިޔާއަށް ލިބޭނެކަމަށާއި ލިޓަރެއް 10 ލާރީގެ ރޭޓުން ލިބިގެންދާނެއެވެ. އެއްޓަނަށްވުރެ މަދުން ބޭނުންވާ ފަރާތްތަކަށް އެހިދުމަތްވެސް ކުޅުދުއްފުށީގައި ހުންނަ ކުންފުނީގެ ކައުންޓަރުން ހަމަޖެހޭނެކަމަށް އެފަރާތުން މައުލޫމާތު ދެއްވިއެވެ.

މިލިޔުމާއި ގުޅޭ