މަސްޖިދުލް ފިރުދައުސްގައި މިރޭ ނަމާދު ކުރަން ފަށަނީ

ކުޅުދުއްފުށީގައި އަލަށް އިމާރާތްކުރި މަސްޖިދުލް ފިރުދައުސް ނިންމާ މިއަދު ކައުންސިލާއި ހަވާލުކޮށްފައިވާއިރު މިރޭ އެ މިސްކިތުގައި ފަތިސް ނަމާދު ކުރުމަށް ވަނީ ހަމަޖެހިފަ އެވެ.

ކުޅުދުއްފުށީ އުތުރު ބަނދަރު ސަރަހައްދުގައި އިމާރާތްކޮށްފައިވާ މި މިސްކިތުގައި މިރޭ ފަތިސް ނަމާދު އިމާމުވެ ކޮށްދެއްވުމަށް ހަމަޖެހިފައިވަނީ ޑރ މުހައްމަދު އިޔާޒް އަބްދުލަތީފެވެ.

ގާތްގަނޑަށް 450 އެއްހާ މީހުންނަށް ޖާގައިގެ މި މިސްކިތުގައި މާދަމާ ހުކުރު ނަމާދުވެސް ކުރުމަށް ހަމަޖެހިފައިވާއިރު ހުކުރު ނަމާދުވެސް ކުރެއްވުމަށް ހަމަޖެހިފައިވަނީ ޑރ އިޔާޒެވެ.

މި މިސްކިތް ހުޅުވަށް ކުރިން ހަމަޖެހިފައިވަނީ މިމަހުގެ ފަސްވަނަ ދުވަހު އެވެ. ނަމަވެސް ރަސްމީކޮށް މިހާރު ހުޅުވުމަށް ހަމަޖެހިފައިވަނީ މި މަހު އަށެއްގައި އެވެ. މިސްކިތް ހުޅުވައިދެއްވާނީ އިސްލާމިކް މިނިސްޓަރުކަމަށް ކައުންސިލުން މައުލޫމާތުދެ އެވެ.

މި މިސްކިތަކީ މަޝްހޫރު ވިޔަފާރިވެރިޔާ މިތުރު ކޮމްޕެނީގެ އޯނަރު މުހައްމަދު ޒުހެއިރުގެ ހަރަދުގައި އިމާރާތްކުރި މިސްކިތެކެވެ.