އައްޑޫގައި އުޅޭ ބިދޭސީއަކު އިސްލާމްވެއްޖެ

މިއަދު އިސްލާމް ދީން ގަބޫލުކޮށްފައިވަނީ އައްޑޫ ސިޓީ ފޭދޫ ގަރާޖެއްގައި މަސައްކަތް ކުރަމުން ގެންދާ ލަންކާ ރައްޔިތެއް ކަމަށްވާ މަހޭޝް އެވެ.

ކުރިން ބުޑިސްޓެއްގެ ގޮތުގައިހުރި މަހޭޝް އިސްލާމްދީން ގަބޫލޫކުރިކަން އިއުލާން ކޮށްފައިވަނީ މިއަދު އަސްރު ނަމާދަށްފަހު ފޭދޫ މަސްޖިދުއް ނަސްރުގައި ކަމަށް އޮންލައިން ނޫސް "މިހާރު"ގައި ބުނެފައިވެއެވެ. އޭނާއަށް ޝަހާދަތް ލައިދެއްވީ އައްޝައިޚް އަހުމަދު އަނީލެވެ.

މިހާރު ނޫހުގައި ބުނެފައިވާގޮތުގައި އުމުރުން 38 އަހަރުގެ މަހޭސް އެރަށު ގަރާޖެއްގައި މަސައްކަތް ކުރަން ފެށީ މީގެ ތިންމަހެއްހާ ދުވަސްކުރިން ކަމަށެވެ. އިސްލާމް ދީން ގަބޫލުކުރީ އަމިއްލައަށް ފެނިގެން އަމިއްލަ އިހްތިޔާރުގައި ކަމަށް އޭނާ ބުނެފައިވެއެވެ. އެކަމުގައި އޭނާގެ އަންހެނުންގެ ސަޕޯޓު ވެސް އެބައޮތް ކަމަށް އޭނާ ބުނެފައިވެއެވެ. އޭނާގެ އަންހެނުން ދިރިއުޅެނީ ލަންކާގައެވެ.

އިސްލާމްދީން ގަބޫލު ކުރުމަށްފަހު އޭނާއަށް އަދި އިސްލާމީ ނަމެއް ނުކިޔައެވެ. އޭނާގެ އަންހެނުން ރީތި ނަމެއް ކިޔާނެ ކަމަށް އޭނާ ބުނި ކަމަށް މިހާރުގައި ބުނެފައިވެއެވެ.