އިންޑިޔާގެ ވިމެން އެންޑް ޗައިލްޑް މިނިސްޓަރަށް ޝިދާތާ މަރުހަބާ ވިދާޅުވެއްޖެ

އިންޑިޔާގެ ވިމެން އެންޑް ޗައިލް ޑިވޮލޮޕްމެންޓްގެ މަގާމަށް ކަނޑައެޅުވި ސްމްރިތީ އިރާނީއަށް ރާއްޖޭގެ ޖެންޑަރ މިނިސްޓަރު ޝިދާތާ ޝަރީފް މިއަދު މަރުހަބާ ވިދާޅުވެއްޖެ އެވެ.

ޖެންޑަރ މިނިސްޓަރު ޝިދާތާ ޝަރީފް މިއަދު ކުރެއްވި ޓްވީޓް މެސެޖްގައި އިންޑިޔާގެ ކެބިނެޓަށް އަލަށް ކަނޑައަޅުވާފައިވާ ވިމެންސް މިނިސްޓަރު ސްމްރިތީ އިރާނީ ތަހުނިޔާއާއި މަރުހަބާ ވަނީ ވިދާޅުވެފަ އެވެ.

ޖެންޑަރ މިނިސްޓަރު ޝިދާތާގެ މެސެޖްގައި ވިދާޅުވެފައިވަނީ އިންޑިޔާގެ ވިމެންސް މިނިސްޓަރާއި ގުޅިގެން ރާއްޖޭގެ ސޯޝިއަލް ސާރވިސް ދާއިރާ ހަރުދަނާ ކުރުމަށް ގާތުން މަސައްކަތް ކުރައްވާނެކަމަށެވެ.

Sincere congratulations and warmest wishes @smritiirani on your appointment as Minister of Women and Child Development. Look forward to working closely in strengthening social services sector.

— Shidhatha Shareef (@shidhatha) June 1, 2019

އިންޑިޔާގެ ވިމެންސް މިނިސްޓަރު ސްމްރިތީ އިރާނީ ލޮކްސަބަހާގެ އަމިތީ ގޮނޑި ކާމިޔާބު ކުރެއްވީ އިންޑިޔާގެ އިދިކޮޅު ކޮންގުރެސް ޕާޓީގެ ރައީސް ރާހުލްގާންދީގެ މައްޗަށް ކުރި ހޯދަވައިގެން ނެވެ.