ކުޅުދުއްފުށި ސިޓީ މޭޔަރުކަމަށް ހަތަރު ބޭފުޅަކު ވާދަކުރައްވަނީ

ކުޅުދުއްފުށި ސިޓީ މޭޔަރުކަމަށް ހަތަރު ބޭފުޅަކު ކުރިމަތިލައްވައިފި އެވެ. އަންނަ އޭފްރީލްމަހު ބާއްވާ ކައުންސިލް އިންތިހާބުގައި ކުޅުދުއްފުށި ސިޓީއަކަށް ކުރިމަތިލާފައިވާ ކެންޑިޑޭޓުންގެ މެދުގައި މިއަދު ވަނީ ގުރުއަތުލުން ބާއްވާފަ އެވެ.

ޖަލާލުއްދީން ސްކޫލުގެ ހޯލުގައި ކުރިއަށްދިޔަ ކެންޑިޑޭޓުންގެ ނަންތައް ތަރުތީބުކުރުމަށް ބޭއްވި ގުރުއަތުލުމުގައި ކުޅުދުއްފުށި ސިޓީއަށް ކުރިމަތިލައްވާފައިވާ ހަތަރު ކެންޑިޑޭޓުންގެ މެދުގައި ވަނީ ގުރުއަތުލުން ކުރިއަށްގެންގޮސްފަ އެވެ.

ހަތަރު ކެންޑިޑޭޓުންގެ ތެރޭގައި ހިމެނެނީ އެމްޑީޕީގެ ފަރާތުން ވާދަކުރައްވާ މުހައްމަދު އާތިފާއި ޕީޕީއެމުގެ ފަރާތުން ވާދަކުރައްވާ އަބުދުﷲ އިގްބާލެވެ. އަދި އަމިއްލަގޮތުން މޭޔަރުކަމަށް ކުރިމަތިލައްވާފައިވާ ދެ ބޭފުޅުން ހިމެނެ އެވެ. އެއީ އާދަމް ޝަރީފް އާއި އަހުމަދު ސައީދެވެ.

ކުޅުދުއްފުށި ސިޓީގެ މޭޔަރުކަމަށް ވާދަކުރައްވާ ކެންޑިޑޭޓުން:

މޭޔަރުކަމަށް ކުރިމަތިލި ކެންޑިޑޭޓުންގެ ތެރެއިން އެއް ކެންޑިޑޭޓް ފިޔަވާ ހުރިހާ ކެންޑިޑޭޓުންނެއް ވަނީ ގުރުއަތު ނެގުމުގެ މިރަސްމިއްޔާތުގައި ބައިވެރިވެވަޑައިގަންނަވާފަ އެވެ.