ނޮޅިވަރަންފަރު ރައްޔިތުންނަށް ހުސެއިންގެ ވައުދު: ސުން ރޭޓުގެ ކުރެޑިޓް ސްކީމެއް

އަންނަ ލޯކަލް ކައުންސިލް އިންތިހާބުގައި ހދ ނޮޅިވަރަންފަރު ކައުންސިލްގެ ރައީސްކަމަށް އިންތިހާބުކޮށްދެއްވިނަމަ ހުރިހާ ރައްޔިތުންނަށް ބައިވެރިވޭވެ ގޮތަށް ކުރެޑިޓް ސްކީމެއް ތައާރަފުކުރާނެކަމަށް ނޮޅިވަރަންފަރު ކައުންސިލްގެ ރައީސްކަމަށް އެމްޑީޕީ ޓިކެޓްގައި ވާދަކުރައްވާ ހުސެއިން ހަސަން ވިދާޅުވެއްޖެ އެވެ.

ކޭއޯއާގައި ވާހަކަދައްކަވަމުން ހުސެއިން ވިދާޅުވީ، ކުރެޑިޓް ސްކީމުގެ ދަށުން ގޭބިސީތަކުގައި ބޭނުންކުރާ ސާމާނު ނެގޭނެ ކަމަށެވެ. އޭގެ ތެރޭގައި ފްރިޖް، ޓީވީ، ފަހާފޮށި އައިސް އަލަމާރި، ސޯފާ ސެޓް، ދޮންނަ މެޝިން ފަދަ ބާވަތްތަކެވެ.

އަތޮޅު ކައުންސިލްގައި ނޮޅިވަރަމް ދާއިރާ ތަމްސީލުކުރައްވާ ހުސެއިން ވިދާޅުވީ، ކުރެޑިޓް ސްކީމްގެ ދަށުން މުދާ ދޫކުރާއިރު އިންޓަރެސްޓްގެ ގޮތުގައި އެއްވެސް ފައިސާއެއް ދައްކަން ނުޖެހޭނެ ކަމަށެވެ.

ހުސެއިން ވިދާޅުވީ، މި ސްކީމްގެ ބޭނުމަކީ އޭނާގެ ސަބަބުން ރައްޔިތުންގެ ފުއްދުތެރިކަން އިތުރުކޮށް ދިރިއުޅުމުގެ ފެންވަރު މަތިކުރުން ކަމަށެވެ.

ހުސެއިން ވަނީ މީގެ ކުރިންވެސް އޭނާގެ ދާއިރާގެ ދެ ރަށްކަމަށްވާ ނޮޅިވަރަންފަރާއި ނޮޅިވަރަމްގެ ރައްޔިތުންނަށް ގިނަ ކަންތައްތަކެއް ކޮށްދެއްވާފަ އެވެ. އެގޮތުން ސްކޫލު ދަރިވަރުންނަށް ހިލޭ ދަބަހާއި އިންޓަވަލް ތަށި ވެސް ހަދިޔާކޮށްފައިވެ އެވެ.