ރާއްޖޭގެ ފުރަތަމަ ވަރޗުއަލް ރިލޭ "އަތޮޅު ރަން" އުރީދޫއިން އިއުލާންކޮށްފި

އުރީދޫ މޯލްޑިވްސްގެ 15 ވަނަ އަހަރީ ދުވަހާއި ގުޅިވައިގެން ރާއްޖޭގައި ބޭއްވޭ ފުރަތަމަ ވާރޗުއަލް ރިލޭ "އަތޮޅު ރަން" މިއަދު އިއުލާނުކޮށްފިއެވެ.

މި ރަން ރާއްޖޭގެ ހުރިހާ އަތޮޅެއްގައި ކުރިއަށް ގެންދިއުމަށް ރާވާފައިވާއިރު، ރަން ބޭއްވުމަށް ހަމަޖެހިފައިވަނީ 28 އޯގަސްޓް 2020 ވަނަ ދުވަހު އެވެ.

މި ރަންގައި 20 އަތޮޅުން 20 ދުވުންތެރިން ބައިވެރިވުމަށް ވަނީ ހަމަޖެހިފައެވެ. އަތޮޅު ރަން ކުރިއަށްދާއިރު މީސްމީޑިއާ މެދުވެރިކޮށް ރަންގެ ލައިވް ފޮޓޯ އާއި ވީޑިއޯތައް ބެލުންތެރިންނަށް ފެނިގެންދާނެއެވެ. މި ދުވުން ވެގެންދާނީ ރާއްޖޭގެ އެކި ސަރަހައްދުތަކުގެ ހިތްގައިމު ރީތި މަންޒަރުތައް ދައްކުވައިދޭ ދުވުމަކަށް ކަމަށް އުރީދޫއިން މައުލޫމާތު ދެއެވެ.

އަތޮޅު ރަންގައި ބައިވެރިވާ ދުވުންތެރިންނަށް ހިތްވަރުދީ މި ރަން ގެ އުފަލުގައި އެޗް.ޕީ.އޭ ގެ ގައިދުރުކަން ބަހައްޓަންޖެހޭ މިންގަނޑުގެތެރެއިން ބައިވެރިވުމަށް ރާއްޖޭގެ އެންމެހާ ރައްޔިތުންނަށް އުރީދޫ މޯލްޑިވްސްއިން ދައުވަތު އަރުވައެވެ. އަތޮޅު ރަން އާއި ބެހޭ އިތުރު މައުލޫމާތު ކުރިއަށް އޮތް ހަފްތާތަކުގައި އިއުލާނު ކުރާނެކަމަށް އުރީދޫއިން މައުލޫމާތު ދެއެވެ.