ދިރާގު މަމެންގެ ވާހަކަ ހިއްސާކޮށްގެން ހިލޭ ޑޭޓާ

ދިރާގު "މަމެން" މޯބައިލް އެޕްލިކޭޝަންގެ ވާހަކަ ހިއްސާ ކުރާ ކަސްޓަމަރުންނަށް ހިލޭ ޑޭޓާ ލިބޭ ޕްރޮމޯޝަނެއް އެ ކުންފުނިން ފަށައިފި އެވެ.

ދިރާގުން ބުނީ މަމެންގައިވާ "މަމެން ރިފެރަލް" ފީޗާ މެދުވެރިކޮށް މަމެން ޕްލޭނެއް ނެގުމުން ދައުވަތުދިން ކަސްޓަމަރުގެ އިތުރުން އެ ރެފަރަލް މެދުވެރިކޮށް އަލަށް ކަނެކްޝަން ނަގާ ކަސްޓަމަރަށް ވެސް ހިލޭ ޑޭޓާ ލިބިގެންދާނެ ކަމަށެވެ.

ހުރިހާ މަމެން ކަސްޓަމަރުންނަށްވެސް މަމެން އެޕްގައިވާ "ރިފަރަލް ޓެބް" މެދުވެރިކޮށް ހާއްސަ "ރިފަރަލް ކޯޑް" އެއް ލިބޭނެ އެވެ. މި ކޯޑް މެދުވެރިކޯށް ބޯނަސް ޑޭޓާއާއި ލީޑާބޯޑް ޓްރެކް ކުރެވޭނެ އެވެ.

މަމެން އެޕް ގޫގުލް ޕެލޭ ސްޓޯ އަދި އެޕަލް އެޕް ސްޓޯއިން ހިލޭ ޑައުންލޯޑް ކޮށްލެވޭނެއެވެ.

ދިރާގުން ވަނީ މަމެން ކަސްޓަމަރުންނަށް ހާއްސަކޮށްގެން ޑޭޓާ ޕްލޭންތަކުން ޑިސްކައުންޓް ދޭ ޕްރޮމޯޝަނެއް ވެސް ފަށައިފަ އެވެ. މި ޕްރޮމޯޝަންގެ ދަށުން މި މަހުގެ ނިޔަލަށް ނަގާ ކޮންމެ ޑޭޓާ ޕްލޭނަކުން 25 ޕަސެންޓުގެ ޑިސްކައުންޓް ލިބޭނެ އެވެ.

ޒުވާނުންނަށް އަމާޒުކޮށްގެން 2017 ވަނަ އަހަރު ދިރާގުން ތައާރަފުކުރި މަމެން އެޕްލިކޭޝަނަކީ އެ މީހަކު ބޭނުންވާ ގޮތަށް ޑޭޓާ އާއި ވޮއިސް އަދި އެސްއެމްއެސް ނެގޭ ގޮތަށް ތައްޔާރުކޮށްފައިވާ މޯބައިލް ޕްލޭނެކެވެ. މި އެޕްލިކޭޝަނަކީ މިހާތަނަށް ރާއްޖޭގައި ތައާރަފްކުރި މިފަދަ ފުރަތަމަ މޯބައިލް ޕްލޭނެވެ.