އިހަވަންދޫން ޕޮޒިޓިވްވި އެންމެ ރަނގަޅު ވެއްޖެ

ހއ އިހަވަންދޫން ކޮވިޑް-19 އަށް ޕޮޒިޓިވްވި އެންމެ ބަލިން ރަނގަޅުވެފައިވާ ކަމަށް އެރަށު އަމިނަދިޔޯ ހެލްތު ސެންޓަރުން ބުނެފިއެވެ.

އެރަށުން ކޮވިޑަށް 5 މީހަކު ޕޮޒިޓިވްވިއެވެ. އެރަށުން ފުރަތަމަ ޕޮޒިޓިވްވެފައިވަނީ އެރަށު "242" ގެ ފަޅުވެރިއެކެވެ. އެއާށްފަހު އެރަށު "ތަހުތު" ބޯޓުގެ ފަޅުވެރިންތަކެއް ވެސް ވަނީ ކޮވިޑަށް ޕޮޒިޓިވްވެފައެވެ. މައުލޫމާތު ލިބިފައިވާ ގޮތުގައި އެންމެ ފަހުން ބަލިން ފަސޭހަ ވެގެން ދޫކޮށްލާފައިވަނީ ތަހުތު ބޯޓުގެ ދެ ފަޅުވެރިންނެވެ.

އެރަށު އާމިނާދިޔޯ ސިއްހީމަރުކަޒުން އާންމުކޮށްފައިވާ ޕޯސްޓެއްގައި ބުނެފައި ވަނީ އިހަވަންދޫން ކޮވިޑަށް ޕޮޒިޓިވް ވި އެންމެން މިހާރު ދޫކޮށްލާފައި ވާކަމަށެވެ.

އިހަވަންދޫގެ މި ދެ ބޯޓަކީވެސް މުދާ އުފުލާ ދެ ބޯޓަށް ވާއިރު ހއ، އަދި ހދ ގެ ގިނަ ރަށްތަކަށް ބޯޓުދަތުރު ކުރެއެވެ.