ވިރާޓާއި އަނުޝްކާއަށް ދަރިއަކު ލިބެން އުޅޭކަން އިއުލާންކޮށްފި

އިންޑިޔާގެ މަޝްހޫރު ކްރިކެޓް ކުޅުންތެރިޔާ ވިރާޓް ކޯލީއާއި އަންހެނުން އަދި ބޮލީވުޑްގެ މަޝްހޫރު ބަތަލާ އަނުޝްކާ ޝަރުމާގެ ކައިވެންޏަށް 3 އަހަރުވެފައިވާއިރު އެ ދެ މަފިރިންނަށް ދަރިއަކު ލިބެން އުޅޭކަން ހާމަކޮށްފި އެވެ.

ޑިއު ޑޭޓާއެކު އެކަން މިއަދު ވަނީ އެ ދެމަފިރިންވެސް ޓްވިޓާގައި އިއުލާންކޮށްފައި އެވެ.

And then, we were three! Arriving Jan 2021 ❤️🙏 pic.twitter.com/iWANZ4cPdD

— Anushka Sharma (@AnushkaSharma) August 27, 2020

އަނުޝްކާއާއި ވިރާޓް ކައިވެނިކޮށްފައިވަނީ އެކުގައި ގިނަ ދުވަސްތަކެއް ވަންދެން އުޅުމަށް ފަހު 2017 ވަނަ އަހަރު އިޓަލީގައެވެ. އެމީހުން ރައްޓެހި ވެގެން އުޅޭކަން 2014 ވަނަ އަހަރު މީޑިޔާއަށް ތިލަވުމުން އަނުޝްކާވަނީ ދެމީހުން ރައްޓެހި ވެގެން އުޅޭކަން އިއުލާންކޮށްފައެވެ.

އަނުޝްކާ އެންމެ ފަހުން ފެނިގެން ގޮސްފައިވަނީ ޝާހުރުކް އަދި ކެޓްރީނާއާއެކު ފިލްމު ޒީރޯއިންނެވެ. އެންމެ ފަހުން އަނުޝްކާގެ މަސައްކަތެއް ފެނުނީ އޭނާގެ ފިލްމު ކުންފުނި ކްލީން ސްލޭޓު ފިލްމްޒްގެ ބުލްބުލްއިންނެވެ. އެއީ އޭނާ ޕްރޮޑިއުސް ކުރި ފިލްމެކެވެ.

މި މަސްތެރޭ ފިލްމީތަރި ކަރީނާ ކަޕޫރު އަދި ސައިފް އަލީ ޚާނަށްވެސް ދެވަނަ ދަރިއަކު ލިބެން އުޅޭކަންވެސް ވަނީ އިއުލާންކޮށްފައެވެ. އެމީހުންގެ ފުރަތަމަ ދަރިފުޅު ތައިމޫރުއަށް މިހާރު 3 އަހަރެވެ.