ކުޅުދުއްފުށިން މާލެ ފޮނުވާލި ކުއްޖެއް ކޮވިޑަށް ޕޮޒިޓިވްވެއްޖެ

ކުޅުދުއްފުށީ ރީޖަނަލް ހޮސްޕިޓަލުން އިތުރު ފަރުވާއަށް މާލެއަށް ފޮނުވާލި ކުއްޖެއް ކޮވިޑް 19 އަށް ޕޮޒިޓްވިވެއްޖެ އެވެ. ކޭއޯއަށް އިތުބާރު ހުރިގޮތަށް އެނގިފައިވާ ގޮތުގައި ކޮވިޑަށް ޕޮޒިޓިވްވެފައިވަނީ ކުޅުދުއްފުއްޓަށް ނިސްބަތްވާ 7 އަހަރުގެ ފިރިހެން ކުއްޖެކެވެ.

ކޭއާރުއެޗުގައި އެޑްމިޓްކޮށްގެން ފަރުވާކުރުމަށް އެކުއްޖާ މާލެ ފޮނުވާލީ ޗާޓަރު ފްލައިޓެއްގައި އިއްޔެ އެވެ. އައިޖީއެމްއެޗަށް ވެއްދުމުގެ ކުރިން ނެނގި ސާމްޕަލުން ކޮވިޑް ޕޮޒިޓިވްކަން ކޭއާރުއެޗަށް އެނގީ މިއަދު މެންދުރުފަހުގެ ވަގުތެއްގައި އެވެ.

މައުލޫމާތު ލިބިފައިވާގޮތުގައި އެކުއްޖާ ހޮސްޕިޓަލަށް ގެންދިޔައީ ކޮވިޑްގެ އަލާމާތެއް ފެނިގެންނެއް ނޫނެވެ. އެކަމަކު އެ ކުއްޖާ ބަނޑުގައި ރިއްސާތީ ކޭއާރުއެޗުގައި ހަތަރު ވަރަކަށް ދުވަހު އެޑްމިޓްކޮށްގެން ފަރުވާދިނެވެ. އެ ކުއްޖާއަކީ ކަރަންޓީނުގައި ހުރި ކުއްޖެއް ނޫނެވެ.