ކޮވިޑް-19 ގެ ކޭސްއެއް ފެނުމާއި ގުޅިގެން ކުޅުދުއްފުށި މޮނީޓަރިންގެ ހާލަތަށް ގެނައުމަށް ފަހު މިރޭ މޮނީޓަރިންގެ ހާލަތުން ނަގައިފި އެވެ.
މިރޭ އެޗްޕީއޭއިން ކައުންސިލަށް ފޮނުވި ލިއުމުގައި ބުނެފައިވަނީ މޮނީޓަރިންގެ ހާލަތު އުވާލީ އާންމު ސިއްހަތުގެ ގާނޫނޫގެ ދަށުން ބަލަން ޖެހޭ ކަންކަން ބެލުމަށްފަހު އިތުރަށް މޮނީޓަރިންގެ ހާލަތު ދަމަހައްޓަން ޖެހޭ ސަބަބެއް ނެތުމުން ކަމަށެވެ.
ކުޅުދުއްފުށި މޮނީޓަރިންގެ ހާލަތަށް ގެނެސްފައިވަނީ ކުޅުދުއްފުށިން މާލެ ގެންދިޔަ އުމުރުން 7 އަހަރުގެ ކުއްޖަކު ކޮވިޑަށް ޕޮޒިޓިވްވުމާއި ގުޅިގެންނެވެ.
އެގޮތުން ކޮންޓެކްޓް ޓްރެސިންގެ ތެރެއިން ޑައިރެކްޓް ކޮންޓެކްޓްވެފައިވާ 60 މީހެއް ވަނީ ފާހަގަ ކުރެވިފައެވެ. އަދި ޑައިރެކްޓް ކޮންޓެކްޓްގެ ގޮތުގައި ފާހަގަ ކުރެވިގެން ފުރަތަމަ ޓެސްޓު ކުރެވުނު 24 މީހުންނެވެ. މި އެންމެންގެ ނަތީޖާވެސް ވަނީ ނެގެޓިވްވެފައެވެ.
އެހެންނަމަވެސް ޑައިރެކްޓް ކޮންޓެކްޓްގެ ގޮތުގައި ފާހަގަކުރެވުނު ހުރިހާ މީހުންވެސް 14 ދުވަހަށް ހޯމްކަރަންޓީނު ކުރުމަށް ވަނީ ނިންމާފަ އެވެ.
