ބަންގްލަދޭޝްގެ އިތުރު 200 މީހުން އަނބުރާ ގައުމަށް ފޮނުވާލައިފި

ރާއްޖޭގައި ދިރިއުޅެމުންދާ ބިދޭސީންގެ ތެރެއިން ބަންގްލަދޭޝްގެ އިތުރު 200 މީހަކު މޯލްޑިވިއަންގެ ފުލައިޓްގައި މިއަދު އަނބުރާ ގައުމަށް ފޮނުވާލައިފިއެވެ.

ކޮވިޑް-19 ގެ ސަބަބުން ވަޒީފާ ގެއްލުނު މީހުންނާއި ރާއްޖޭގައި ގަވާއިދާ ހިލާފަށް މަސައްކަތްކުރަމުން ގެންދާ ބަންގްލަދޭޝް މީހުން އަނބުރާ އެ ގައުމަށް ގެންގޮސް ދިނުމުގައި ހަރަކާތްތެރި ވަނީ ރާއްޖޭގެ ގައުމީ އެއާލައިން މޯލްޑިވިއަނުންނެވެ. މިއަދު ފުރީ މިފަދަ 40 ވަނަ ފްލައިޓް ކަމަށާއި އެ ފްލައިޓް ދިޔައީ ޑާކާ އަށް ކަަމަށް މޯލްޑިވިއަނުން ބުންޏެވެ.

Our 40th #repatriation flight with 200 Bangladeshi nationals has left to Dhaka from @VelanaAirport.

As of today, #Maldivian has flown a total of 7732 Bangladeshi passengers on these repatriation flights.#NationalAirline 🇲🇻 pic.twitter.com/0sItNbWBwo

— Maldivian (@MaldivianAero) October 14, 2020

ރާއްޖޭގައި ގަވާއިދާ ހިލާފަށް އުޅޭ ބަންގްލަދޭޝް ރައްޔިތުންގެ ތެރެއިން 7732 މީހަކު ފޮނުވާލެވިފައިވާ ކަމަށް މޯލްޑިވިއަން އިން ހާމަކޮށްފައިވެއެވެ.

ރާއްޖޭގައި ގަވައިދާ ހިލާފަށް އުޅޭ ބިދޭސީންގެ މައްސަލައަކީ ޒަމާނުންސުރެން ހައްލު ނުވެ އޮތް ބޮޑު މައްސަލަ އެކެވެ.

ގަވާއިދާ ހިލާފަށް އުޅޭ 20،000 ބިދޭސީއަކު މި އަހަރު ނިމުމުގެ ކުރިން އަނބުރާ ފޮނުވާލެވޭނެ ކަމަށް އިކޮނޮމިކް މިނިސްޓަރު ފައްޔާޒް އިސްމާއިލް މިދިޔަ ޖުލައި މަހު ވަނީ ވިދާޅުވެފަ އެވެ.