އިމާމުންނާއި މުދިމުންނަށް ޑިގްރީ ކޯސްތަކެއް

މިސްކިތްތަކުގެ އިމާމުންނާއި މުދިމުންނަކީ ޔުނިވާސިޓީ ޑިގްރީ ހާސިލްކޮށްފައިވާ ބަޔަކަށް ހެދުމަށް ތައާރަފްކުރި ކޯސްތައް ނައިބު ރައީސް ފައިސަލް ނަސީމް މިއަދު އިފްތިތާހުކޮށްދެއްވައިފި އެވެ.

މިއީ އިސްލާމިކް މިނިސްޓްރީ އާއި އިސްލާމިކް ޔުނިވާސިޓީ އޮފް މޯލްޑިވްސް ގުޅިގެން ހިންގާ ކޯސްތަކެކެވެ. މުދިމުންނާއި އިމާމުންނަކީ ދީނީ ތައުލީމު ހާސިލްކޮށްފައި ބަޔަކަށް ހަދަން ތައާރަފްކުރި ކޯސްތަކުގައި 384 މީހުން ކިޔަވަމުންދާ ކަމަށް އިސްލާމިކް މިނިސްޓްރީން ބުންޏެވެ.

މިސްކިތްތަކުގެ އިމާމުންނާއި މުދިމުންނަކީ އިސްލާމީ ތަޢުލީމުގެ ރޮނގުން ޔުނިވަރސިޓީ ޑިގްރީ ޙާޞިލުކޮށްފައިވާ ބަޔަކަށް ހެދުމަށް ހިންގޭ ކޯސްތައް ރައީސުލް ޖުމްޙޫރިއްޔާގެ ނައިބު އަލްފާޟިލް ފައިސަލް ނަސީމް އިފްތިތާޙް ކޮށްދެއްވައިފި. #MVIaffairs pic.twitter.com/ATBFsEGW5a

— Ministry of Islamic Affairs (@MVIaffairs) October 19, 2020

އިސްލާމިކް މިނިސްޓްރީން އޮންލައިން ނޫސް މިހާރު އަށް މައުލޫމާތު ދިންގޮތުގައި އިމާމުންނާއި މުދިމުންނަށް ހާއްސަކޮށްގެން ތައާރަފްކޮށްފައި ވަނީ އެޑްވާންސް ލެވަލްގެ ކޯހަކާއި ޑިގްރީ ކޯހެއް ކަމަށެވެ. އެޑްވާންސް ކޯހުގައި 292 މީހުން ކިޔަވާ އިރު ޑިގްރީ ކޯހުގައި 92 މީހުން ބައިވެރިވި އެވެ.

އަދި މި ދެ ކޯސް ވެސް ކުރިއަށް ގެންދާނީ ބްލޮކް މޮޑުއިލަށް ކަމަށް ކަމަށެވެ. ނަމަވެސް ކޮވިޑް-19 އާ ގުޅިގެން ދިމާވެފައިވާ ހާލަތާ އެކު މިދުވަސްވަރު ކިޔަވައިދިނުމުގެ ކަންތައްތައް ކުރިއަށް ދާނީ އޮންލައިންކަމަށެވެ.