ވަޅި ޖެހި މައްސަލާގައި މީހަކު ހައްޔަރުކޮށްފި

ކުޅުދުއްފުށި ސިޓީގައި ޒުވާނެއްގައި ގަޔަށް ވަޅި ޖަހައި ޒަހަމްކޮށްލި މައްސަލާގައި މީހަކު ހައްޔަރުކޮށްފި އެވެ. މިމައްސަލާގައި ހައްޔަރުކޮށްފައިވަނީ އުމުރުން 28 އަހަރުގެ ފިރިހެނެއްކަމަށް ފުލުހުން މައުލޫމާތުދެ އެވެ.

ބަރާބަރު ފިހާރާގައި ހިންގި މިހާދިސާގައި ޒަހަމްވެފައިވަނީ އުމުރުން 22 އަހަރުގެ ޒުވާނެކެވެ. ވަޅީގެ ހަމަލާ އަމާޒުވެފައިވަނީ އޭނާގެ ކަނާތު ކަންފަތް މައްޗަށެވެ. އޭނާއަށް މިހާރު ދަނީ ކޭއާރުއެޗުގައި ފަރުވާދެމުންނެވެ.

މިމައްސަލާގައި ހައްޔަރުކޮށްފައިވަނީ ކުޅުދުއްފުށީ/ސަވާނާ، އަލީ ސާޖިދު އިބުރާހިމެވެ. މި ދެ މީހުންނަކީވެސް އެ ފިހާރާގައި މަސައްކަތްކުރާ ދެ މުވައްޒަފެވެ.

ވަޅިން ޖަހަން މެދުވި ސަބަބެއް އަދި ސާފެއް ނުވެ އެވެ. މި ހާދިސާ ހިންގާފައިވަނި މިއަދު މެންދުރު 11:30 ހާއިރު އެވެ.

މިމައްސަލަ މިހާރު ފުލުހުން ދަނީ އިތުރަށް ތަހްގީގުކުރަމުންނެވެ.