ކައުންސިލުން ހޯދި 100 ރުއް އިންދުމުގެ މަސައްކަތް ފަށައިފި

ރުކުގެ އާ ޖީލެއް އުފެއްދުމަށް، މިނިސްޓްރީ އޮފް ފިޝަރީޒް މެރިން ރިސޯސަސް އެންޑް އެގްރިކަލްޗަރ އިން ހުޅުވާލި ފުރުސަތުގެ ބޭނުން ހިފައި، ކުޅުދުއްފުށީ ކައުންސިލުން ހޯދި 100 ރުއް އިންދުމުގެ ޕްރޮގުރާމް ފަށައިފި އެވެ.

އެންމެ ރަނގަޅު ހުށަހެޅުމެއް ހުށަހަޅާ 15 ރަށަށް ކޮންމެ ރަށަކަށް 100 ރުއް ހަދިޔާކުރުމަށް މިނިސްޓްރީން ހުޅުވާލި ފުރުސަތުގައި ކުޅުދުއްފުށީ ކައުންސިލުން ހޯދި 100 ރުއް އިންދުމުގެ ޕްރޮގުރާމް ފެށީ އިއްޔެ އެވެ.

ކައުންސިލުން ބުނީ، ރުއްތަކުގެ ތެރެއިން ބޮޑު ބައެއް ހަދިޔާކުރީ އިންދާނެ ޖާގަ އޮތް ސަރުކާރުގެ މުވައްސަސާތަކަށް ކަމަށެވެ. އެގޮތުން 70 އިންސަތަ ރުއް އެކި މުވައްސަސާތަކަށް ހަދިޔާކުރި ކަމަށެވެ. އޭގެ ތެރޭގައި ހިމެނެނީ، ކޭޕީއެލް، ކޭއާރުއެޗު، ހދ އޭއީސީ، ޖަލާލުއްދީން ސްކޫލް، ކަސްޓަމްސް، އެމްއާރުސީ، ފެނަކަ، އެމްއެންޔޫ އަދި އަތޮޅު ކައުންސިލް ކަމަށެވެ.

ކައުންސިލުން އިއްޔެ ވަނީ ރުއް އިންދުމުގެ ޕްރޮގުރާމް ކުރިއަށްގެންގޮސްފަ އެވެ. އެ ހަރަކާތުގައި ކައުންސިލްގެ ރައީސް އާއި ނައިބު ރައީސްގެ އިތުރުން ބައެއް ކައުންސިލް މެމްބަރުންނާއި އިދާރާގެ މުވައްޒަފުން ބައިވެރިވެލެއްވި އެވެ.

ޗަވައްކަޑު އޮރެންޖް ނަމަކަށް ކިޔާ މި މުޑުވަކަކީ ވަރަށް ކުޑައިރު ފޯދި އޭގެ މޭވާ ލިބޭ ރުކެކެވެ.