އިނގިރޭސިވިލާތް ރަސްމީކޮށް އިޔޫއިން ވަކިވެއްޖެ

ޔޫރަޕިއަން ޔޫނިއަން (އީޔޫ) އިން އިނގިރޭސިން ރަސްމީކޮށް ވަކިވުމުގެ ކަންކަން ފުރިހަމަކުރުމަށް ފަހު، އިނގިރޭސިވިލާތް އީޔޫއިން ވަކިވެއްޖެ އެވެ.

ފާއިތުވެދިއަ އަހަރު އިނގިރޭސިވިލާތުން ޔޫރަޕުގެ އިއްތިހާދުން ރަސްމީކޮށް ވަކިވެފައި ވީ ނަމަވެސް އެއާއިއެކު 11 މަހުގެ ޓްރާންޒިޝަން މުއްދަތެއް ވަނީ ފެށިފައެވެ. އަދި މި މުއްދަތުގެ ތެރޭގައި އިނގިރޭސިވިލާތުން ތަބައުވެފައިވަނީ އީޔޫގެ ގަވައިދުތަކާއި އުސޫލުތަކަށެވެ.

އީޔޫ އިން ޔޫކޭ ވަކިވުމާ ދެކޮޅު ފަރާތްތަކުން ބުނަމުން ދަނީ ކަންކަން ދެން މާގޯސްވާނެ ކަމަަށެވެ.

އީޔޫގެ ގަވައިދުތަކަށް އަމަލުކުރުން ޔޫކޭ އިން ރަސްމީކޮށް ހުއްޓާލި ނަމަވެސް ދަތުރުފަތުރާއި ވިޔަފާރި، އިމިގްރޭޝަން އަދި ސަލާމަތީ އެއްބާރުލުމާ ގުޅޭ ގޮތުން އާ އެއްބަސްވުންތަކެއް ވަނީ ހަމަޖައްސައިފަ އެވެ.

އިނގިރޭސި ބޮޑުވަޒީރު ބޮރިސް ޖޯންސަން ވިދާޅުވީ ޔޫކޭ އަށް މިހާރު މިނިވަންކަން ލިބުނީ ކަމަށާއި ބްރެކްސިޓް ފުރިހަމަވުމުން ކަންކަން ތަފާތުކޮށް ކުރެވޭނެ ކަމަށެވެ. ޖޯންސަން އަކީ އީޔޫ އިން ޔޫކޭ ވަކިވުމަށް އެންމެ ބޮޑަށް ކެމްޕޭން ކުރެއްވި އެއްބޭފުޅާ އެވެ. ޔޫކޭ އިން ދެން އަމަލުކުރާނީ އާ ބޯޑަ ސިސްޓަމަކަށެވެ.