މޮނިޓަރިންގައިވާ ރަށްރަށުގައި ތިބި އެހީ ބޭނުންވާ އާއިލާތަކަށް ޖެންޑާއިން ކެއާ ޕެކޭޖް ފޮނުވައިފި
ގއ. އަދި ލ. އަތޮޅުގެ ބައެއް ރަށްތައް މޮނިޓަރިންގގެ ހާލަތަށް ގެނައުމާއި ގުޅިގެން އެ ރަށްރަށުގައި އުޅޭ ނާޒުކު އާއިލާތަކަށް ކެއާ ޕެކޭޖް ފޮނުވަން ޖެންޑާ މިނިސްޓްރީން ނިންމައިފި އެވެ.
ކޮވިޑް-19 ފެތުރޭތީ، ގއ. ދެއްވަދޫގެ އިތުރުން އެ އަތޮޅު ދާންދޫ، ވިލިނގިލި، ލ. ގަން އަދި ފޮނަދޫ ވަނީ މޮނިޓަރިންގެ ހާލަތަށް ގެނެސްފަ އެވެ.
ގއ.އަދި ލ.އަތޮޅުގެ ބައެއް ރަށްތައް މޮނިޓަރިންގ ގެ ހާލަތަށް ގެނައުމާއި ގުޅިގެން އެރަށްރަށުގެ ނާޒުކު ޙާލަތް ތަކުގައި ދިރިއުޅެމުންދާ ފަރާތްތަކުގެ މަޢުލޫމާތު އެއްކޮށް އެ ފަރާތްތަކަށް ގުަޅައި ކެއަރ ޕެކޭޖަސް ފޮނުވުމުގެ މަސައްކަތް ވަނީ ފެށިފައި
— Ministry of Gender, Family and Social Services (@MoGFSSmv) January 15, 2021
ޖެންޑާ މިނިސްޓްރީން ބުނީ އެ ރަށްރަށުގައި އުޅޭ ނާޒުކު، އެހީތެރިކަން ބޭނުންވާ އާއިލާތަކުގެ މައުލޫމާތު އެއްކުރަން ފަށާފައިވާ ކަމަށާއި ކެއާ ޕެކޭޖް ފޮނުވުމުގެ މަސައްކަތް ފަށާފައިވާ ކަމަށެވެ.
މި ކެއަރ ޕެކޭޖްތަކުގައި ސެނިޓައިޒަރއާއި، ޑިިސްޕޮސިބަލް މާސްކާއި، ޑިޓޯލް ހޭންޑްވޮޝް، އަންގި އަދި އެޑަލްޓް ޑައިޕާސް ހިމެނޭނެކަމަށް ޖެންޑަރ މިނިސްޓްރީން ބުންޏެވެ.
ގއ. އަތޮޅުގެ އެކި ރަށްރަށުންވެސް އަންނަނީ މޮނިޓަރިންގައިވާ ރަށްރަށަށް އެހީ ފޯރުކޮށްދެމުންނެވެ. ކޮވިޑް އެންމެ ބޮޑަށް ފެތުރުނު ދެއްވަދޫގައި ކޮވިޑްގެ ސަބަބުން ސިއްހީ ހިދުމަތާއި ވިޔަފާރިތަކަށް ވެސް ބުރޫ އެރުމުން ރަށްރަށުން ކާބޯތަކެއްޗާއި ފެން ފަދަ އެކި ސާމާނު އަންނަނީ ފޮނުވަމުންނެވެ.
