އާންމު ދިރިއުޅުމުގައި ރައްކާތެރިވުމަށް މިންގަނޑުތަކެއް ރާއްޖެގައި ތަންފީޒުކުރަން ހުށައަޅައިފި

އާންމު ދިރިއުޅުމުގައި ރައްކާތެރިވުމަށް ކޮމްޕްލަޔަންސް ސްޓޭންޑާޑްތަކެއް ރާއްޖޭގައި ތަންފީޒުކުރުމަށް ޔޫރަޕިއަން އިންސްޓިޓިއުޓް ފޮ އެކްސްޕޯޓް ކޮމްޕްލަޔަންސް (އީއައިއެފްއީސީ)އާއި އެމްއެންޔޫ ގުޅިގެން ހުށަހަޅައިފި އެވެ.

އީއައިއެފްއީސީއަކީ ތަފާތު ގިނަ ދާއިރާތަކުން ކުއްލި ހާލަތާ ގުޅޭގޮތުން އަދި މުހިންމު ކަންކަމަށް އަމާޒުކޮށްގެން މިންގަނޑުތަކާއި ގައިޑްލައިންތަކާއި ސެޓްފިކެޓް ދޭނެ ނިޒާމު ތަރައްގީ ކުރާ މުއައްސަސާއެކެވެ.

ޓޫރިޒަމް މިނިސްޓްރީން ބުނީ މިފަދަ ސްޓޭންޑާޑްތައް ގާއިމުކޮށް، ޔޫރަޕިއަން ސެޓްފިކެޓެއް ލިބުމަކީ ކޮވިޑް19އާ ދެކޮޅަށް އެކަށީގެންވާ ގޮތަކަށް އަދި ވަކިން ހާއްސަކޮށް އިގްތިސާދީ ގޮތުން މަސައްކަތް ކުރުމަށް މަގުފަހިވާނެ ކަމެއް ކަމަށެވެ.

އަލަށް ގާއިމުކުރަން މަސައްކަތް ކުރަމުންދާ މި ސްޓޭންޑާޑްތަކުގެ މިންގަނޑުތައް ހިފަހައްޓާ ފަރާތްތަކަށް އީއައިއެފްއީސީއިން ސެޓްފިކެޓެއް ދިނުމަށް ވަނީ ހަމަޖެހިފަ އެވެ. އެހެންކަމުން ވީހާވެސް ގިނަ ފަރާތްތަކުގެ އެއްބާރުލުން އީއައިއެފްއީސީއަށް ދިނުމަށް ޓޫރިޒަމް މިނިސްޓްރީން އެދިފައިވެ އެވެ.